「瘦身教主」唐安麒今日（31日）在銅鑼灣皇室堡舉行「Angel Face唐安麒美顏瘦身專門店品牌大使發布會」，宣布馬來西亞人氣女神Miko Wong（黃潔琪）為品牌大使，現場有過百粉絲及市民圍觀及應援。以粉色露肩裙現身的Miko ，在親身體驗「宇宙飲食」及「10日瘦10吋」皇牌療程後，身段比以前更fit，以真「材」實料實證健康瘦身，瘦人不瘦胸！

曾參演多部劇集包括《星空下的仁醫》及《十月初五的月光》的孖妹童星JAYBO及JAYBIE，加盟ACE娛樂後被安排到韓國受訓攻讀出道班，並組成女子組合JJBABY，她們在發布會上打頭陣跳唱(G)I-DLE的《Super Lady》，緊接則是ACE娛樂另一女團LadieS的兩位成員：K KELLY及LENNE T接力跳唱。

主動試「宇宙飲食」

Miko 說擔任Angel Face品牌大使，是因自己過往多年遍尋瘦身方法，卻屢試屢敗，直至有次在網上看到唐安麒提倡的「宇宙飲食」並親身體驗後，發現原來瘦身也可以吃得飽，改善體質重拾健康外，更加可以「瘦人不瘦胸」！

「以前曾試過極端嘅減肥方法，戒食澱粉質、糖，但會令我容易發脾氣、冇精神，更會因為血糖低而成日暈！就算極速減到，都好快反彈！有次我喺網上搵減肥方法，搵到Dr.Angel嘅『宇宙飲食』，試咗之後，發現瘦身時可以食得飽，唔使捱餓，有助排毒，仲覺得比以前輕盈同精神，原來瘦身都可以瘦出健康體質，就連我怕凍等毛病都消失。而『10日瘦10吋』療程，令我在喺10日內減咗12吋，之前用盡方法都減唔到嘅『鬼祟肉』，包括手臂、大腿和腰，完全瘦晒，最緊要係，上圍冇縮水！」Miko 說。

回應取代林明禎

馬來西亞女神林明禎早前宣布因健康問題要暫時停工，即有網民指有「翻版林明禎」之稱的Miko可趁機取代，Miko說：「唔好話取代，都係工作啫，視乎客人點揀。我唔清楚佢嘅情況，希望佢好好休息，保重身體。」笑言自己十分「捱得」的她，說盼望可參與拍攝真人騷外，更說稍後會為《ACE演藝模特大賽》擔任評審，勝出者可赴韓國受訓外，更說會考健身教練牌。

減去脂肪，挽回健康

Angel Face久未委任品牌大使，原來促成和Miko合作，源於唐安麒有次看到Miko的ig post，談及唐安麒推崇超過30年的「宇宙飲食」。唐安麒說：「係一個好特別嘅緣份，我有次睇IG，見Miko有提及我，當時我好好奇，睇佢個post，原來佢同網民分享『宇宙飲食』。我見佢喺IG有好多粉絲，同事話佢喺馬來西亞好有名氣，仲話見佢一直按照『宇宙飲食』去改善飲食習慣，效果相當不錯，所以我就諗，不如搵佢做『實證人』！」

「Miko每次嚟香港，都會嚟Angel Face分店做『10日瘦10吋』療程。Miko自己做開運動，都知道『鬼祟肉』係好難減，喺療程幫助下，線條更靚。『10日瘦10吋』療程推出多年，至今依然大受歡迎，除咗係價錢平、有效果、完全冇強迫推銷之外，參加者喺10日內，透過體驗宇宙飲食同埋做療程，會更加了解自己身體嘅反應，體驗到成功瘦身之餘，更明白健康飲食嘅重要：減去脂肪，挽回健康。」唐安麒說。

推倡「宇宙飲食」超過30年，唐安麒說核心是「健康瘦身」：「坊間好多餐單，叫你唔好食呢樣，唔好食嗰樣，非常極端，雖然短時間會瘦到，但長期落去，身體會唔適應，引起好多後遺症，又或之後會反彈、肥得更快。『宇宙飲食』核心，係令你可以飽住瘦，所以呢三十幾年嚟推廣呢個健康嘅『宇宙飲食』，我係好自豪好開心！」

ACE演藝模特大賽有新玩法

至於旗下ACE娛樂的孖妹組合JJBABY近年在韓國演藝界受注意，早前更有日本電視台專程訪問，身為老闆的唐安麒大讚JJBABY在發布會上的表演不俗：「我一直滿意JJBABY嘅表現，佢哋由12歲開始跟住我哋、係ACE娛樂旗下嘅藝人，佢哋一直好乖好努力，仲喺韓國讀出道班努力學習。由於佢哋仲係15歲，再大少少先出道，到時睇吓韓國社長安排，睇吓韓國定係香港出道。」

唐安麒更透露即將舉行的新一屆《ACE演藝模特大賽》的賽制非常新鮮好玩，每一個階段的比賽都會出現參加者「in and out」，即是汰弱留強的同時，也會有新一批參加者「踢館」加入，她更指今屆報名反應熱烈，希望透過比賽能發掘更多新秀！