更新時間：18:56 2023-12-01
發佈時間：18:56 2023-12-01
發佈時間：18:56 2023-12-01
港姐冠軍曹敏莉（Mandy）昨日以雪肌蘭代言人身份出席屈臣氏健康美麗大賞2023，對於品牌連續24年奪得「至尊榮譽大奬」，Mandy當然開心，問她有甚麼護膚心得時，她表示：「我覺得清潔好緊要，洗面一定要洗得乾淨，另外充足睡眠又係好重要，我每日可以瞓到9個鐘，因為有好嘅身體會反映番喺肌膚上。」平時落妝、洗面、做磨砂和敷面膜，之後搽爽膚水、精華素、眼霜和面霜都做到足，尤其化完妝呢啲程序一定不能偷懶。遇着乾燥天氣，仲要做多啲保濕，以及每日飲8杯水。
曹敏莉最欣賞自己的皮膚，因經常都可保持在最佳狀態。
飲食清淡
雖然Mandy年過40、並已誕下一女兩子，但身形仍然好Fit，她稱：「飲食好重要，所以要Make Sure食嘅嘢係健康，例如唔好食咁多醃製食品，由於我本身偏向清淡食物，唔會食太肥膩嘅嘢，有得㨂食白肉、少食紅肉，有時仲會食素添！」加上每個星期她都會做運動如瑜伽、打羽毛球和Pickleball（匹克球）出一身汗，除了Keep Fit，對排毒都好好。
曹敏莉表示每星期都會抽時間做瑜伽，並愛練習空中瑜伽。
曹敏莉喜歡相約朋友一齊打羽毛球，稱這是她的Me Time。
雙管齊下
同場的雪肌蘭老闆劉陳小寶（Angel）和陳細潔（Abbie）對於品牌獲獎也表現興奮，加上品牌成立30周年，稍後會有一連串慶祝活動，包括將設計好的鯊魚鑽石襟針送給代言人和員工。問她們有甚麼護膚心得時，Angel即時賣花讚花香說：「除咗食健康食品，用埋自己嘅護膚品，咁就可以由內而外做到美白同緊緻。」而Abbie愛滑雪，每年最少滑兩次，不怪得身形仍然Keep得咁Fit！
「大鯊」劉陳小寶（左）和「細鯊」陳細潔即場分享了護膚心得。
劉陳小寶和陳細潔在頒獎禮成大贏家，曹敏莉陪同攞獎分享喜悅。
最Hit
