王梓軒今日（3月13日）出席一連四日假香港會議展覽中心舉行的香港國際影視展（Filmart）2024「中劇趨勢研討 檸萌新劇盛宴」發佈會，會上還邀得中國女星曾夢雪、泰國金天鵝雙屆影帝、經典恐怖片《鬼影》男主角Anada Everingham、泰國混血女神Margie RasriBalenciaga、薄荷妹Mint Chalida Vijitvongthong及Mookda Narinrak到場支持，場面盛大。

王梓軒首次監製劇集

去年成立多元娛樂製作平台Octagon Metatainment的王梓軒，除了忙於與劉松仁為今年的重點項目舞台劇《利瑪竇》綵排，亦密鑼緊鼓籌備他與石祐珊首次監製的劇集《網內人：復仇代幣》（HateCoin），演員名單正在物色階段，預計於今年秋季開鏡。

《網內人：復仇代幣》的劇本改編自香港著名作家陳浩基的同名小說《網內人》，故事講述14歲女高中生跳樓自殺事件，於數小時內引發媒體及網絡的激烈討論，受害人姐姐與黑客專家聯手展開調查，揭示有關仇恨、利益及人性的社會議題。王梓軒透露看中《網內人》充滿懸疑、緊湊，而且與香港人環環緊扣的情節，該小說早已在華語地區大受歡迎：「《網內人》已經翻譯成英文、日文、韓文等多種語言，足以証明佢本身嘅吸引力，作者對網絡言論、仇恨呢種痴迷嘅情緒，吸引咗全世界嘅人去睇。我希望藉住今次拍成劇集，可以從香港人嘅視覺，講返呢個屬於香港嘅故事，展示我哋獨特嘅視點、真實嘅聲音同藝術視野。」

首做監製好緊張

王梓軒於發佈會後受訪，他表示很興奮能夠擔任主持人：「原本我係以監製身份出席，不過大會睇過我之前喺新加坡ATF（亞洲電視論壇及內容交易市場展）介紹《網內人：復仇代幣》嘅演說，覺得我可以勝任埋主持，可以用呢個身份參與Filmart，對我嚟講好新鮮。」

提到新劇的製作，王梓軒對他的首個監製作品甚有信心：「《網內人》本身在國際市場好受歡迎，希望藉住今次的劇集可以令到世界各地嘅觀眾更加認識同喜歡我哋本地嘅IP！我自己都好緊張，因為要做埋監製嘅角色，同做演員或者歌曲監製又好唔同，無論事無大小都要參與，而且個scale好大，不過真係學到好多嘢，自己都想向製作人嘅身份試吓。」至於王梓軒會否親自參與演出？他笑謂：「到時我cast咗唔中，我唔知嬲唔嬲佢哋好，講笑，都係想交返畀導演決定啦。但係我哋個劇有個角色，構思緊搵外國人演出，今日見到Ananda Everingham真係好有魅力，希望有機會可以邀請佢做嗰個角色。」