更新時間：15:52 2024-08-10
發佈時間：15:52 2024-08-10
發佈時間：15:52 2024-08-10
「東張女神」何沛珈最近跨過界，被委任為無綫「奧運之星」，首次擔任奧運主持，其表現深獲網民讚賞，力讚她夠淡定及做足功課。何沛珈接受東周刊訪問，說非常感謝網民的留言及鼓勵，並謙虛的說自己仍有很多進步空間外，更直言鏡頭背後是緊張到震！
何沛珈說：「今次奧運直播最大挑戰，係因為我過往冇做過同體育相關工作，亦都冇睇體育賽事嘅習慣，可以話係一竅不通，所以我要做更多準備工夫。一個月前就開始睇一啲重點項目，例如係乒乓球、游泳、跳水嘅世界賽事，有時間就搵選手嘅資料，如果冇時間睇資料，就上網搵佢哋嘅一啲專訪片段出嚟睇。」
凡事都有得着，更何況是新嘗試？感謝被安排當奧運節目主持的何沛珈，說得到不少寶貴的經驗。「今次對我嚟講，我覺得好大嘅得着就係第一次做咁即時嘅live ，因為好多時全部都係冇稿，所以要一路諗一路講，試過本身要傾偈2分鐘，之後因為要等頒獎，變咗要一路拖時間。好彩有前輩帶住，加上最近真係好留意體育賽事，先可以搭得上嘴。」
何沛珈更說十分佩服及欣賞其他主持所投放的心機及努力，「其實我哋今年一班年輕嘅主持都好花心機，例如黃庭鋒會喺自己筆記本上面mark嘢，劉穎鏇honey每次開live都會寫好多自己嘅筆記，大家都好同心協力咁去做好奧運。有啲人都同我講，話今年無綫做得幾好，其實有一班好好嘅前輩，例如係鍾sir（鍾志光）、江sir（江忠德）好願意教你點做、話你知可以問啲咩問題。」
「今年好特別嘅係，生日就喺奧運期間，生日正日都有返去開工，又唔覺得自己慘嘅，因為我自己又冇特別為意去請假，返工有江sir佢哋一齊搞吓gag都幾開心！」
最Hit
