更新時間：17:04 2025-12-27
發佈時間：17:04 2025-12-27
發佈時間：17:04 2025-12-27
坐港鐵遇到身旁乘客除鞋翹腳怎麼辦？近日有女乘客便在社交平台Threads上載8秒短片，傳授「退敵」之法，引得不少網民大呼「你好黐線但我鍾意」，不少人更表示「學到嘢」！
樓主：有嘢喺度蠕動
樓主在帖中表示，當時「坐得好地地無啦啦有嘢喺度蠕動，以為有蟲，唔好彩我今日冇著襪，唔係我會除鞋同佢用腳猜包剪揼，少少地Hi個Five（擊掌）算」。從短片中可見，坐在樓主旁邊的紫褲女除鞋翹腳，穿襪子的右腳腳掌貼近樓主，樓主隨即翹起穿着黑皮鞋的左腳，並用鞋底輕輕撩撥對方腳掌，對方隨即縮回右腳，一招「以其人之道還治其人之身」輕鬆退敵。
網民﹕「學到嘢」
短片看得一眾網民開懷不已，紛紛表示「學到嘢」、「笑X死，輕輕撩撥，以為你識佢」，更有人表示「我要學起嚟」，又大讚「對付魔法果然要用返魔法」，認為「香港需要更多你呢種交通風紀」。
有人則分享類似經歷，表示「之前遇翹腳Ｘ我都係咁做，鞋底對鞋底」；「去戲院睇戲嘅時候經常都會有，就算對方同一個朋友去，佢隻腳都係會向其他人嘅方向，我就試過同佢High Five再跟住佢嚟郁，仲不定期加速搖動，直至對方放棄為止」。另有人自爆，「開會嗰陣啲同事成日翹腳翹到勁高瘋狂hi我條褲，我直接搬佢隻腳落地下」。
網民：你好黐線但我鍾意
網民普遍對樓主的應對方式讚口不絕，有人直言「你好黐線但我鍾意」、「好X白卡，好好笑」，並稱讚做法「好波」、「做得好」、「無聲勝有聲」、「笑到癲咗」。
資料來源：vvvvnty__＠Threads
最Hit
