發佈時間：17:27 2025-11-27
大埔宏福苑五級大火燃燒一天仍未熄滅，不僅奪去數十人性命，亦毀了不少人的家園。有居民表示太太與愛貓被困火場，直言「我而家只係想快啲救佢出嚟，生又好死又好，救佢出嚟先，唔想（太太）留係嗰度」。有在宏福苑長大的居民亦在社交平台發表長文，深刻描繪了家園盡毀後的複雜心境，「我身上嘅嘢就係我擁有嘅全部」，形容「This is my first death」（這是我的第一次死亡）。
求救數十次至今仍未有消息
鍾先生在宏昌閣2302室居住近10年，他憶述昨日下午3時半左右趕返宏福苑時，火勢已相當猛烈，「起火起得好快，10分鐘已經燒到上頂，全部都係煙」。他即時向在場消防員通報情況，並求救多達數十次，但太太一直未獲救出。消防員今日凌晨致電他指會再上樓救援，惟後依然未有消息。
他表示，最後與太太通話是在昨晚7時許，當時她身處單位大房，「太太話好大煙，頂唔順了」，相信她其後已昏迷。他不敢再致電給她，擔心造成危險。他萬分焦急，難掩憂心與難過，「我而家只係想快啲救佢（太太）出嚟，生又好死又好，救佢出嚟先，唔想（太太）留係嗰度」。
萬分焦急難掩憂心與難過
據鍾先生的胞弟指，好友已協助致電醫院查詢，又透過民間自發救援渠道，並留下個人資料，卻依然無果。
居民李先生同樣傷心難過。他自昨日下午3時多至今早，一直苦等失蹤家人的消息，整夜難以成眠。雙眼通紅的他表示，昨晚曾收到家人的通訊指「啲煙衝梗過嚟」，之後就聯絡不上。至今晨剛剛收到消防通知已搜救至23樓，因而又立即趕過來等待。
「我身上嘅嘢就係我擁有嘅全部」
另一名自出生以來一直住在宏福苑的居民，則於昨晚（26日）在社交平台上發表長文，細訴自己在一夕之間失去家園的悲痛與茫然，直言在發生火警後，當他為自己添置必需的衣物和梳洗用品，走在前往親戚家的路上時，才猛然意識到殘酷的現實：「我身上嘅嘢就係我擁有嘅全部。」
樓主指，其父母是首批入伙宏福苑的住戶，「佢地會講笑話間屋仲大過我」。而此刻，過去二十多年在宏福苑所積累的一切痕跡，「好似無存在過」，形容為「this is my first death」（這是我的第一次死亡）。
樓主憶述家中點滴，字裏行間流露出對這個成長地方的深厚感情﹕「我屋企嘅牆係有花花嘅瓷磚，地下係綠色白色嘅碎分地磚，拼埋一齊毫無美感可言。」「我張床喺窗隔離，個窗貼咗藍天白雲款嘅遮光貼，我瞓喺度望嘅時候，有一朵雲望落好似一個老人家嘅側面。」「廁所門貼咗一張我小學時貪得意痴上去嘅立體貼紙，上一次望佢嘅時候發現原來已經甩曬色。」
「而家我都唔知可以寫啲咩」
他更提到自己是個不捨得丟東西的人，連DSE的筆記都還留着。過去，他曾因遺失一條頸巾而撰文悼念，但面對如今家園的「死亡」，他卻感到失語，悲傷巨大到「唔知可以寫啲咩」。
街坊互相安慰：好痛心 但人平安已經好好
大批網民紛紛留言關懷和支持，逾千人為樓主打氣：「If this is the first death, rebirth will soon follow.」（如果這是第一次死亡，重生將隨之而來。）並鼓勵樓主將記憶用文字記錄下來，以另一種形式延續家的存在。
此外，不少同為或曾是宏福苑的居民亦表示感同身受：「我同你一樣都係出世住咗係宏福苑到依家住咗26年，一諗起屋企無曬真係好痛心，由細到大既總總回憶，但只能夠講人平安已經好好。」「……出世就住係宏志閣，雖然已搬走咗，但火燭燒到咁我都好心痛，宏福苑畀我好多回憶。」
除了街坊的慰問，亦有不少網民主動提出物質支援，表示願意捐出衣物、手袋、全新化妝品、護膚品，甚至廚具和傢俬，希望能幫樓主渡過難關。另有人留言：「你失去嘅嘢會以更好嘅方式返去你度嘅」、「人無事就係世界冠軍呀」、「物件已經冇左，但你仲有回憶」。
來源：33beoms＠Threads
