發佈時間：19:38 2025-11-01
餐廳想要客似雲來，服務質素是關鍵之一！有女網民近日在社交平台Threads發文，分享與奶奶到沙田Bakehouse餐廳用餐時發生的小插曲，講述該店如何應對及處理，讓她大讚「神級公關」，不少網民亦盛讚餐廳危機處理及應變能力高。
樓主在帖中形容「成件事太意想不到」，並大讚餐廳「神級公關」，迅速將危機化解。據她指，當日她與奶奶到沙田Bakehouse餐廳光顧，其間一名店員不慎打翻飲料，更彈濺到奶奶的白色褲子上。對方隨即道歉，並送上大量濕紙巾供清潔，經理亦提出由餐廳負責乾洗費用。但樓主和奶奶認為「好小事」，遂禮貌婉拒。到結帳時才發現餐廳就員工弄髒衣物表達歉意，因此為她們免單。
網民大讚：呢啲先係最高境界的待客之道
事件引起網民熱議，不少人直言「呢啲先係最高境界的待客之道」、「有時間就寫贊（讚）許信給他們，老闆和員工都做得好」、「非常出色的危機處理和應變能力！大公司訓練有數」、「幾時都話做生意，公關好重要」、「咁bakehouse一定會care聲譽嘅，張單free都正常」。有人則認為是樓主態度好才會獲此貼心待遇﹕「應該係你地有禮貌唔貪心對員工友善，所以佢地一定要請你地食大家開心」。
有網民則分享早前惠顧同一餐廳時感受到的服務態度﹕「呢間服務態度真係超好！！！食成餐飯冇舉過手搵staff，因為佢地（哋）每隔幾分鐘就嚟加水，又換走污糟嘅碗碟，見我地（哋）食唔晒主動問我地（哋）需唔需要打包，仲要唔慳皮每樣餸分開裝，分好每個人要打包嘅野，值得比加一 再比tips啊真係。」
但亦有人擔憂「你咁樣出post好危險，係害咗間舖，可能有人會有樣學樣，湧曬去食霸王餐叫經理賠錢」。
有網民則表示希望香港其他餐廳「學下嘢」：「如果香港多啲呢啲餐廳，可以照顧到客人多少少，客人有賓至如歸的感覺⋯⋯自然會有客人嚟幫襯！」「係抵讚，中、高價餐廳係應該咁嘅服務，咁先有來頭客架嘛。」
來源：Threads
