發佈時間：19:18 2025-10-01
港人以往搭扶手電梯習慣「左行右企」，去年底港鐵積極宣傳「左右企穩」的安全模式。不過有上班族近日在社交平台上載影片及發帖，抱怨在朝早趕返工時，在金鐘站遇上了「左右企穩」的乘客堵塞扶手電梯，批評：「有冇人明返八（點），仲有5分鐘遲到俾人塞住究竟有幾躁底？」帖文一出，引發網民熱議。
樓主在帖文中指，「喺香港搭扶手電梯就係左行右企㗎啦」，並促請「左企乘客」體諒趕返工的打工仔：「行唔郁嘅企返去右手邊好難？可唔可以體諒吓我哋呢啲返早嘅人類？」
帖文引發熱烈迴響，網民的反應兩極。有人對樓主表示認同認為，認為「唔阻住其他人係基本禮貌」、「明明香港就係左行右企，你唔行咪企返去右邊lor，有幾難姐」、「完全懂！早上趕時間卻被堵在扶梯上，心裡罵爆卻又不能講出口，那種憋屈真的超難受」、「有啲人唔會明，覺得條路係佢㗎。我都試過畀人block 住條路，就要多花六花鐘等車。（海怡半島線要等六分鐘）」。
網民：兩條都站人流才會疏通的快
另有網民則認為樓主應改善時間管理：「明白趕時間時係心急d，我自己都試過，但其實冇話一定左行右企，以前都只係建議，只好自己預鬆d時間，控制唔倒人，可以控制自己。」
有人更表示：「實驗表示，兩條都站人流才會疏通的快啊，明明就有兩邊可以站，為什麼只站一邊……如果兩邊都可以站，人流一下就疏通多好。而且多少人是像你一樣趕，在手扶梯上走動真的很危險。」
去年6成港鐵扶手電梯意外 在電梯上行走為肇因之一
全港港鐵站有逾1,300條扶手電梯，港鐵於2024年11月啟動「扶手電梯安全運動」時指，同年首9個月錄得430宗扶手電梯意外，其中約6成原因與乘客沒緊握扶手或在電梯上行走而失平衡、被他人碰撞，以及攜帶大型物件有關，因此鼓勵市民改變以往「左行右企」的習慣。
來源：dailykickkkk＠Threads
立即追蹤《東周刊》全新WhatsApp頻道，緊貼全城熱話、突發猛料、獨家消息！
