更新時間：13:20 2025-08-16
發佈時間：13:20 2025-08-16
發佈時間：13:20 2025-08-16
近日有港鐵乘客在列車行駛途中，疑因好奇心驅使，竟然無故打開車廂內的「緊急通風窗」，結果不懂如何關上，場面一度驚險。事件引起網民熱議，有人表示曾目睹類似情況，更分享開窗後的混亂景象。
車窗搖晃不止 網民直呼「佩服腦洞」
事主於本月11日於社交平台Threads上載短片，並留言：「真係佩服啲人嘅腦洞，要幾戇居先會無啦啦搞嗰個位？」影片長約13秒，可見「緊急通風窗」已被打開，一名乘客嘗試關窗但未果，窗戶不斷搖晃。經多番努力，他終於與同行乘客合力按住手把，成功關上窗戶。期間，車廂廣播正宣佈列車即將抵達尖沙嘴站。
事主回應網民時補充：「嗰陣真係O晒嘴，正常挨落去唔會開到個窗，除非佢個頭後面黐咗個鈎。」
網民質疑：冇人阻止？
有網民好奇：「坐喺度嘅人冇人阻止佢？」事主回應：「望到嗰陣佢已經整開咗，阻唔到」、「影之前已經鬧咗佢，但佢聽唔明廣東話。」
開窗後嘈吵不堪 灰塵湧入車廂
不少網民表示曾見過類似情況：「早兩日先見到有個開咗」、「港島線見過幾次，開咗之後好嘈」。亦有人指出：「隧道好污糟，開窗會抽晒啲灰塵入嚟。」
網民聯想飛機逃生門：好彩唔係搭緊飛機！
有網民搞笑表示：「好彩唔係搭緊飛機」、「同啲人想開飛機門一樣戇居」、「飛機都有人拉逃生門，港鐵拉窗都唔出奇。」
更有人幽默代言：「成世窗都冇諗過會俾人開。」亦有網民坦白：「我都想開呢個窗好耐」、「多謝，細個一直想知開咗會點，宜家知咗。」
港鐵與機電署：緊急情況下方可開窗
根據港鐵《日日安全搭港鐵》小冊子，列車設有多種緊急設備，其中「緊急通風窗」用途為「如有需要可開啟作通風之用」。機電署網站亦指出，車廂內的「緊急通風窗」應在緊急情況下，並獲列車車長指示後方可開啟。
港鐵《日日安全搭港鐵》小冊子
機電署網站「鐵路、緊急情況、列車緊急設備」 欄目內，有提到車廂內的「緊急通風窗」，指 「在緊急情況下， 如獲列車車長的指示， 可開 啟緊急通風窗作通風用」
資料來源：l7l_ivn.0509y＠Threads
最Hit
