更新時間：20:01 2025-08-09
發佈時間：20:00 2025-08-09
發佈時間：20:00 2025-08-09
近日有市民到銀行辦事，竟偶遇用騎呢招霸位排隊的「灰姑娘」，隨即在社交平台Threads發帖並上載現場影片，分享這段奇幻經歷。
樓主：原來依家可以咁樣排隊
樓主在帖文中指，「啱啱仲諗住邊度跌咗隻鞋出嚟，咁啱影低咗想笑吓。排咗20分鐘有個阿姨插入嚟同我講唔好意思。原來依家可以咁樣排隊」。
樓主上載了兩段短片，第一段可見正在銀行內排隊，前方地上孤零零的放着一隻灰色波鞋。第二段短片中，則可見「灰姑娘」已歸隊，且已穿上了原本在地上的那隻灰色波鞋。
網民：下？？？？？！！？！！！？！！
這霸位奇招着實令一眾網民震驚，有人似乎極為驚誇﹕「下？？？？？！！？！！！？！！」有人則驚問﹕「咩可以？點可以！」「吓？最新打尖方法？」「這個真的聞所未聞……」另有網民則覺得情況「咁攪笑」、「呢個超好笑，佢除咗隻鞋究竟去咗邊？簡直莫名奇妙」，並笑言片中女子「當自己灰姑娘」。
網民：狼過喺快餐店枱面擺包紙巾
不過，也有不少網民不滿其做法，批評「仲狼過啲阿婆喺快餐店枱面擺包紙巾」。有網民揚言「擺幾粒瓜子當排隊囉」、「你哋咪打尖呀，我條腳毛排緊你哋前面㗎」，還有人留言指要「踢走佢」、「我會踢埋一邊囉」、「兜嘢12碼踢出銀行啦」，還有人認為「應該踢開隻鞋！咁樣會kick（被踢中）親人㗎嘛～」。
資料來源：mapc4real＠Threads
最Hit
