發佈時間：19:51 2025-08-08
泰國飛香港航班驚現「飛機老鼠」！一名港人昨日（7日）在社交平台Threads以「機倉老鼠」為題發帖，圖文並茂講述這次令人氣憤的遭遇，指飛機起飛半小時，便見有人偷開其行李袋，並指他報警後，還有其他乘客表示有金錢損失。事主表示賊人是「集團式經營」，提出兩大狡猾重點，希望大家警惕。
事主：起飛半個鐘偷開我哋個袋
事主在「警世post（帖文）」指，當日他從挪威搭機到泰國再轉機返港，「挪威嗰程已經搭咗11個鐘，後面坐咗個細路仔一直踢我張凳冇Ｘ瞓過，好彩紋身師平時都唔瞓覺先捱得到。諗住第二程休息吓，Ｘ你起飛半個鐘望Ｘ住個大陸佬偷開我哋個袋，係咪當我弱智？對住個大陸佬怒Ｘ一波」。
在回應好奇網民的問題時，事主表示自己「有個書包裝咗畫圖嘅iPad同埋相機咋，差啲冇Ｘ晒啲紋身圖」。
「飛機老鼠」兩大狡猾重點
事主在4張照片上加上了圖片說明，指「飛機老鼠」有兩大狡猾重點﹕一是「依家啲機艙老鼠好興分開坐，互相睇水」；二是「佢班Ｘ樣會趁你瞓覺開你個袋子拎錢」。事主提醒大家「唔好將貴重物品行李放上面」，又指「人家原來集團式經營喔」。
他還提到當場已就事件報警，「空姐會聯絡機師，機師聯絡地勤，地勤報警，如果冇理解錯」。他估計機上有約10隻「飛機老鼠」，「同時識講普通話同埋泰文」，但最終只有2人被捕，「其他冇證據又坐得遠，所以入唔到」。但他提到警察指最近有「好多單」同類案件，「還有其他乘客Check bag（檢查袋子）走出嚟話不見錢」。
有苦主自爆泰國飛香港被偷4萬元
有其他苦主也自爆慘痛經歷﹕「好老實，我係今年新年一樣喺泰國飛返香港嘅機，我俾人偷咗4萬，我仲要係反到屋企第二日先發現，真心嬲！但係都覺得係自己Ｘ，放咁多錢係大背囊。（外家喺泰國，所以新年返去帶咁多錢係好正常，唔好問點解。）」。
網民分享防盜心得
有網民認為「取易不取難，呢班賊係等入閘就睇定目標入手」。另有不少網民感謝事主發文警世，還有人熱心分享防盜心得：「我錢跟身，會帶個小單帶袋，放前面或以風衣蓋住」；「我每次搭飛機，就算去廁所，我都會連個袋拎入去」；「現金最好放係有拉鍊嘅衫袋或褲袋，我從來唔會擺上行李架」；「而家搭親飛機都會望住啲人拎袋，搭飛機好地地上去拎乜鬼錢」。
另有網民指﹕「唔好話銀包護照，我連相機鏡頭都跟身，依家飛機真係好多老鼠，特別係啲短程航班。」「通常3人一組，分開坐，你個袋放頭上，好快就會搵機會扮拎嘢，去偷你哋袋入邊的嘢。貴重嘢都係跟身了，短途星馬泰好容易有這些小偷，因為佢哋方便即日來回偷兩程機。」
資料來源：leeyuanyip＠Threads
