更新時間：19:44 2025-06-14
發佈時間：19:43 2025-06-14
發佈時間：19:43 2025-06-14
颱風「蝴蝶」來襲，天文台周三（11日）凌晨0時40分發出今年首個一號戒備信號，到今日（14日）中午12時20分改發三號強風信號。有網民於周三下午在社交平台Threads發帖，曝光黃埔一名短褲男子手持巨型「7人遮」出巡的畫面，引發關注。不少人大讚有安全感，「好奇佢把嘢喺邊度買」，有網民則擔心會食風，「大風啲會唔會成個人升上天」。
樓主：咁大件事無人講
樓主以「咁大件事無人講」為題發帖，留言「使唔使咁Ｘ大把傘！！！7個人都得」。從其上載的短片可見，一名穿短褲男子正撐著巨傘走過黃埔德安街。
畫面讓網民創意爆發，紛紛表示「7人遮」、「家庭傘」、「成個鑊」、「呢把係『亭』」、「依把唔係傘喎，佢帶咗簷篷出街」、像「沙灘遮」也像「太陽傘」。但對於樓主估計「（遮）7個人都得」，有人卻認為「又誇張啲」，指「最多咪5個人，7個人會有人淋濕」。
「大遮大」網民大讚有彈
不少人都表示羨慕遮主﹕「想買」、「真心想買把」、「好有安全感」、「防多啲紫外線反射」、「完美360°遮蓋太陽」、「正啊！唔會俾人滴濕」，有人更稱﹕「作為一個接送小朋友返放學嘅爸爸，自己孭一個袋，小朋友一個大書包，遇著落雨都好羨慕佢把遮有咁大把。」
有人直接留言詢問﹕「好奇佢把嘢喺邊度買？」跟著竟有人回道﹕「我有把！淘佬（網購）30元！」「呢把遮好普遍，我有幾把，拎去接放學一流，一開把遮變成全場最受歡迎媽咪。有陣時落車搬貨，啲貨又唔可以濕，真係好幫手。」還有人上載網購的資料。
另有人笑指「係真係大得好搞笑」、「個遮柄到佢膝頭」。有網民則表示擔心「會唔會好食風，大風啲會唔會成個人升上天」、「打風喇，小心遮大招風啊」、「睇落勁重咁」、「落雨時安全感滿滿但勁論盡勁重」、「咁大把遮，可以幫唔記得帶遮嘅人遮下，不過就會好掗拃」。
資料來源：__schhh＠Threads
最Hit
