發佈時間：18:53 2025-05-26
帶食物上寶貝座駕，千萬要小心！近日便有汽車美容服務公司發帖，講述了一次食物起起的恐怖「蛆擊」任務，上載的現場圖片中，私家車後座手枕儲物空間內布滿蛆蟲，讓不少網民被嚇得毛管戙，還有殯儀業從業員現身教路清理蛆蟲的方法！
據有關公司上周（23日）下午在社交平台Threads發布的帖文，當時是接到客人「急call」指車內有蚊，未料到場後打開後座手枕一看，卻驚見密密麻麻的蛆蟲！還上載了圖片，指「相中嗰啲唔係蚊咁簡單，全部都係生勾勾烏蠅幼蟲（蠅蛆）」。手枕儲物空間內可見有一個飯糰，包裝袋內和儲物空間中已爬滿了蟲子。
該公司隨後於當天晚上再發帖跟進情況，指「由於車廂始終係一個密閉空間，以及架車經常要接載小朋友出入，強力殺蟲水或者煙霧彈其實都不適用，亦都強烈唔建議大家使用喺車廂」，因此「喺車主有限預算以及時間下，最終做個基本全車深層清潔組合+局部位置重點消毒處理，$2,180」。該公司最後提醒各車主，「盡可能唔好帶嘢食上車」。
不少網民留言回應，紛紛表示「隔住個mon（熒光幕）都覺得毛管戙」、「好恐怖……毛管戙」、「頭皮發麻」。有人則分析指，「飯糰擺咗起碼一個禮拜啦，唔係點會生嘢」。還有網民大讚該公司雷厲風行的滅絕手法，封為「蛆撃手」。有行家則上載相片分享經驗，稱「試過類似case（個案）就係，個客放咗盒疑似生餃喺車尾箱內格」。
殯儀從業員教路清理
不僅如此，帖文還引起了殯儀從業員的關注，甚至留言分享清理孤獨死個案屋內被遺下的一地屍蟲（蒼蠅幼蟲）的經驗，詳細教路清潔步驟﹕「用多少少梳打粉灑落堆幼蟲身上，梳打粉就會包裹住啲幼蟲同埋黏液，然後用掃把輕輕掃走佢，之後用水抹走啲梳打粉再用其他清潔劑抹多次就得。記住梳打粉係鹼性，唔好同酸性洗劑混合使用。」
這位殯儀從業員還提醒，「呢類幼蟲食飽會匿埋喺窿罅入面結蛹，之後變烏蠅，所以可能要再睇下有冇污染擴散，如果有都係建議深層清潔」。
資料來源：arm_wash＠Threads
