發佈時間：19:27 2025-04-21
啟德一名外傭早前被發現竟連人帶車，將BB獨留在外，自己則到2米遠之外的便利店購物。所幸小主人遇到好心人一直在旁守護，避免憾事發生。該名女路人事後發帖講述經過，指自己「企到個姐姐返嚟」，並訓斥了對方如此疏忽照顧BB的危險性，亦希望涉事BB的家長能看到並警惕。有網民則指，事件讓其聯想到15年前偶遇一名粗心爸因同一舉動被人偷走BB的經歷。
樓主發長文講述事件經過
樓主在facebook群組「啟德居民自由講～」上載了涉事外傭最後推著BB車離開的背影照片，並發長文指﹕「大家如果知道呢個姐姐同小朋友，記住同返個家長講。我啱啱（4月17日）2:30pm行過7-11，見到個BB自己坐喺架（BB）車度，自己一個，離7-11門口2m遠。」
她表示自己守在BB旁邊2分鐘後，看到有一名外傭走來，便問她是否BB的姐姐，「佢話佢姐姐喺裏面買緊嘢。我見7-11如常排長隊等俾錢，點都好，佢應該抱埋BB入去」！
隨後BB姐姐回來，樓主表示當時訓斥了對方一頓，「同佢講好危險，個小朋友可能會俾人推走咗。佢仲話佢叫佢朋友出嚟睇，我話我嚟嗰陣佢得自己一個！佢下次唔可以咁，比我見到我就同佢僱主講」。樓主最後說﹕「麻煩僱主或有人話比佢僱主知，都唔好鬧姐姐，同佢講聲好啦，因為怕佢之後唔知點對BB。」
樓主隨後在回應欄補充說：「我企到姐姐到先走；BB無事。」
附近街坊留言附和
不少網民批評涉事外傭「咁樣嘅工作態度，我絕不苟同」，有人更指「個仔又唔係佢親生，唔見咗都無咩所為。今時今日啲姐姐」。
有街坊則留言稱﹕「其實啟德好多姐姐都好差。每日都見到啲姐姐帶住啲狗坐喺公園，隻狗就俾人綁咗喺度幾粒鐘。姐姐喺度玩電話、玩腳趾跳舞；帶小朋友落樓返學個姐姐係咁叫小朋友shut up（收聲）之後一路自己行無理過小朋友；帶公園玩嗰啲放個小朋友玩，自己玩電話、傾電話，得閒影一兩張相俾阿mom（女僱主）交差等等......真係好差。」
勾起網民回憶 15年前荃灣阿爸搵仔一幕
有網民更表示，事件讓他回想了15年前在荃灣遇到的一次經歷，指當時一名男子推着BB車，「衝埋嚟問我哋有無人見到推走另一架BB車，我哋話無呀，你手上呢架就係囉，做乜嘢？佢話唔係阿（啊），係另一部阿（啊），我是孖B，另一架俾人偷走咗」。
該網民憶述﹕「其實當下佢係衝埋嚟好似癲咗係咁問人，你有無見到有人推住部BB車阿（啊）。」當時荃灣地鐵站有很多人幫他尋找BB下落，亦通知了地鐵職員，「搞到好大件事。佢話老婆去咗廁所，佢擰轉頭抽煙，唔想整到BB，點知抽完再擰轉頭就唔咗一架車，佢嚇到面都白晒，好恐怖」。可惜到網民離開前都未找到BB，「警察嚟咗拉佢行埋一邊，跟住有人叫MTR開CAM（閉路電視）睇下邊個推走BB」。
資料來源：Candip Wong＠facebook
