更新時間：19:49 2025-04-10
發佈時間：19:49 2025-04-10
發佈時間：19:49 2025-04-10
屯門超市驚現四眼偷拍狂！一名女網民日前在facebook群組「和田邨關注組」上載照片，並發文透露自己被跟蹤及偷影屁股的經過，提醒街坊小心之餘，亦懷疑該名男子非第一次「作案」，詢問「有冇人認得呢個人」。隨即有網民透露，也曾遭其偷拍，還列出了曾多次撞見他的地點！
據女事主指，事發於上周二（1日）中午12時50分。當時她到超市買菜，其間僅逗留了5分鐘，即發現遭一名四眼男子跟蹤。她寫道﹕「我揀雞蛋，佢就喺我後面，我轉咗第二度揀緊豬肉，佢又喺我後面。」起初她以為對方是要挑選貨品，「但係個位太迫，等我揀完先後尾發覺唔對路，去到邊佢都淨係企喺我後面，唔係睇物品」。
她表示，自己轉頭看對方時，對方便走到前方，「然後回頭我就即刻影咗呢張相，佢就好緊張，即刻俾錢走咗」。後來翻查天眼，便清楚看到他趁女事主在雪櫃拿豬肉時，走到其身後，「開個相機對住我屁股去影相偷拍」！她直言「嗰（果）然我嘅直覺冇錯」。
從女事主發布的照片可見，男子右手拿著貨品，左手拿著手機，無名指上戴有戒指。她表示已就事件報警。
網民大讚樓主勇敢出聲
不少網民對事件感到憤怒，痛斥男子是「人渣」、「變態佬～咸濕佬～正Ｘ街」，並指「希望個Ｘ街快啲被人拉」。另有人大讚樓主「及時報警」。同時亦有人對樓主表示﹕「欣賞你勇敢出聲 ，唔好助長呢啲變態佬！」「變態佬不能姑息。」
有街坊則自爆﹕「呢個Ｘ街我撞過佢幾次！我都懷疑佢偷拍我，不過嗰陣我唔敢肯定所以我無出聲，我只係反跟著返佢 。之後佢即刻走！成日良景（邨）、盈豐（園）都撞到佢」。樓主隨後回應稱：「咁大膽，肯定都係慣犯……我初頭都係唔敢肯定，先冇當場捉住佢。後尾睇返CCTV先真係Confirm（確實）影到晒全程。」
最Hit
