發佈時間：19:29 2025-04-05
家長注意！北角有網民昨日（4日）與丈夫帶着4歲兒子和幼女出門，打算開心過兒童，未料卻遇到一名戴鴨嘴帽及口罩的中年男子，竟當街伸手入衫非禮兒子，嚇得她趕緊報警！她隨後在社交媒體平台發布涉事大叔的照片，並公開事件，希望家長警惕。據警方指，案件仍在調查中，暫未有人被捕。
該名母親昨日在facebook群組「北角有樂」發帖指，當天她和丈夫帶一對年幼子女出門，4歲哥哥坐在BB車內，妹妹則由丈夫抱着。在4人走到書局街斑馬線準備過馬路時，「迎面有個40-50歲嘅男人突然烏低身，伸手入我仔件衫度摸佢背脊同塊面」。她即時大聲喝止該名大叔﹕叫鬧佢：「你做乜摸我個仔？你做乜嘢？全街望住我。」
大叔隨後逃跑，丈夫因抱着女兒而無法追上。夫婦倆遂即時檢查兒子背部，雖無受傷，「但始終都係非禮，所以最後今日（4日）兒童節我哋一家四口坐警車去咗北角警察局報案」。
樓主同時感謝當天協助追上大叔並拍照的「林生」。她指，「好彩有個熱心休班消防員叔叔成功追到佢，上116巴士影低佢相之後，再跑返嚟俾我哋報警同聯絡做證人」。
樓主希望「唔會再有小朋友無啦啦被人摸。而好彩嘅係佢無利器。如果唔係我都不敢想像」。她提到落口供時，負責女警透露「呢區係好多傻人，又有啲推人出馬路等等」，因此敦促家長要小心照顧小朋友。
網民：好彩冇利器
警方回應《星島頭條》查詢時表示，昨日上午約11時51分接到一名女子報案稱，其4歲大兒子在北角港鐵站對開，懷疑被一名年約50歲的男子非禮。警方指暫未有人被捕，人員正跟進調查。
不少網民大罵涉事大叔﹕「呢啲行為好乞人憎！」、「好癲！有父母喺度都敢摸！」又指「小朋友一定嚇親，好彩冇受傷」、「好彩冇利器」。有網民亦指「北角越嚟越多變態人士喎」、「住北角啲街坊真係要好小心」、「而家太多變態，真係要好好保護小朋友」。
網民自爆類似經歷
有人則自爆類似經歷：「我都試過喺餐廳，三唔識七行過嚟摸小朋友話好得意，我話同你唔熟講還講，唔好郁手」；「之前有個怪叔叔摸我姨甥個頭，摸下摸下，我即刻拉走姨甥。勁猥瑣」。
