發佈時間：13:03 2025-02-25
青衣運動場小食亭的店主近日於社交平台發文，指控葵青區一間小學在上周陸運會期間，派老師在小食亭前「巡嚟巡去」，再以「情緒勒索」方式阻止學生及家長光顧。其中一名老師在爭執期間，被指向該店員工辱罵「抵你無生意」。涉事的基督教香港信義會葵盛信義學校昨晚已發聲明回應，稱學校一直以來教導學生要注重健康飲食，當日學生已訂購午餐，亦有家長在小食亭購買食物及進食，學校沒有就相關安排收到家長投訴，而校方亦重視老師的言行。
店員：唔應該咁樣同小朋友講嘢 會令佢唔開心
涉事店員Kenny今早（25日）於商台節目，再詳細解釋事發經過。他指當日老師至少三次在他面前「阻住做生意」，難免有些激動地上前對質。
店員激動對質：返上看台啦你！
Kenny憶述，當日早上9時許開舖，約莫10時許開始有少部分家長光顧買食物，因為其實小食亭的位置不算顯眼，要「特登行出嚟」才看到，所以只有零星家長學生到訪。到中午12時左右，老師開始走到小食亭處，一開始主要是勸諭學生不要光顧，到網上流傳片段時，已是第二次勸阻。他認為老師勸阻行為不當，「唔應該咁同小朋友講嘢（情緒勒索），我讀書時啲老師都唔會咁樣講嘢法，呢種方式會令啲小朋友不開心，亦都不禮貌。」
至於最激烈的一次爭執，則發生在下午2時許，當時有學生、家長前來買食物，有另外兩位老師出現，「先問小朋友『做咩買嘢』，然後就話『呢度唔可以買嘢個喎』，當時個家長聽到都好驚訝。」
Kenny指，由於當時已經是有老師第三次當面「阻做生意」，他非常不滿，當場與老師對質，「你要唔俾你啲學生買嘢，應該喺看台講，而唔係出到嚟喺我面前同班學生講嘢。」他自認當時已經有少許激動，「我就話：『返上看台啦你，唔好阻住我做生意。』」所以老師有了上述「抵你無生意」的辱罵語句。
Kenny坦言今次不是單一事件，許多小學在陸運會期間都不讓學生光顧小食亭。不過他指無論如何，都會繼續營業。
福建中學附屬學校校長徐區懿華在同一節目提到，陸運會期間不讓學生光顧小食亭情況十分普遍，因為十多年前起，許多學校都在推廣「健康飲食在校園」，校內小食部也盡量不提供、薯片、汽水、朱古力等較不健康的食物。至於在陸運會場地，由於學校控制不到小食亭賣什麼，通常都會事先與場地溝通，講明校方的做法，不過「小食亭通常會只拉大半個閘，博啲小朋友衝關成功入嚟買嘢」。至於是否出於秩序的考慮，徐區懿華認為不少學校都有這方面的想法。
