更新時間：17:29 2026-09-19
發佈時間：17:29 2026-09-19
發佈時間：17:29 2026-09-19
娛樂圈嘅女星為咗喺社交網展示最靚嘅一面，用下美顏Filter、修吓圖本來就係人之常情。講到「P圖界」嘅開山鼻祖，必定要提「美艷親王」宮雪花（花姐）。當年佢以47歲高齡勇闖選美舞台，憑住一身自信美驚艷全場。雖然近年常被網民嘲笑P圖過手，連背景欄杆都歪晒，但花姐喺鏡頭前依然理直氣堡、提高聲線大喊：「P圖有罪嗎？」佢仲搞笑承認以前技巧差，依家已經「熟能生巧」，甚至有信心開班授徒，呢份勇於挑戰嘅精神，真係令人佩服！
原本以為「P圖大師姐」花姐已經夠爆，點知強中自有強中手。陳浩民嘅太太蔣麗莎（Lisa）亦唔弱，由當年嘅結婚相到平時開直播，修圖同美顏濾鏡都放得極之重手，連帶老公陳浩民都染上「P圖癮」，搞到兩口子每次出Post都變咗「面目全非」。
不過，正所謂天外有天，東姑最近就有驚人發現！曹敏莉個妹曹敏寶（Aable），原來比起以上幾位仁兄真係有過之而無不及。東姑好奇打開佢嘅社交平台，一睇差啲嚇到跌落床！
鼻孔消失 眼睛比羅茲威爾更狂
曹敏寶相中嘅修圖程度，絕對係達到「神級幻象」嘅境界。每一張相裡面，佢個鼻窿細到幾乎徹底消失，真係令人睇到都戥佢唞唔到氣；對眼更加大到好似羅茲威爾飛碟飛出嚟嘅外星人；加上嗰面色白到毫無血色，簡直好似要即刻叫救護車送到醫院急救咁！呢種「鬼斧神工」嘅修圖手法，同佢本人真實面貌根本係兩回事，真係P圖P到「驚天地泣鬼神」，簡直嚇死你阿媽！
女星愛美乃人之常情，但適可而止先至係王道。過度追求無瑕美顏，反而弄巧成拙變咗「怪誕人偶」。唔知曹敏寶睇完花姐嘅自信宣言，會唔會考慮吓搵花姐交流吓「自然P圖秘術」呢？
最Hit
