
發佈時間:18:30 2025-07-19

中國地大物博,有數之不盡的美景,每個地方又有獨特的風土人情。2011年港姐冠軍朱晨麗,也被深深吸引,早前啟動遊客mode,快閃江西3日,暢遊萬年神農宮、篁嶺景區和望仙谷等地方。
「去到每一個地方,我都覺得歎為觀止,現場嗰種震撼,同睇相完全唔同。神龍宮入面好涼爽,有唔同形狀嘅鐘乳石,估唔到地方仲咁大,大自然真係好奇妙。」
由於趕開工,所以她未能逗留多幾天,匆匆離開,是為了下一次回來。
鐘乳石洞地下河
朱晨麗今次江西之旅行程緊密,抵埗時已是晚上,離開時更是天未光,不過有得玩,再辛苦也值得。「嗰度好多山,地方好大,每程車都要坐2至3小時,甚至以上,所以我大部分時間都坐車,一係瞓覺,一係望風景。」
旅程焦點,首推位於上饒市的萬年神農宮。這裏除了是中國稻作文化的發源地之一,還擁有亞洲較為年輕的喀斯特溶洞。洞內鐘乳石經過長年累月被侵蝕,形態各異,被譽為「中國最美的地下河」。
朱晨麗沿着小路一邊走,一邊欣賞配合燈光打造的鐘乳石景象。她驚嘆大自然的鬼斧神工,有如走入魔幻世界 。「越行越大,好奇妙!同埋室外30幾度,熱得好緊要,但神農宮入面就好涼爽,唔需要冷氣,真係舒服到唔想離開。」
有近600年歷史的篁嶺景區,也令她大開眼界,「嗰度啲屋,屋頂會有一支支竹撐出嚟,啲村民會放竹匾喺上面,曬辣椒、粟米、南瓜等食物,係佢哋嘅特色。」
這個特色,正是當地的「曬秋」習俗,意思是家家戶戶會用一個個大簸箕,在窗前和屋頂上曬晾七彩繽紛的豐收成果,與高低錯落的徽派建築互相輝映,形成一道美麗的風景。
乾盡然後摔碗
江西美景處處,朱晨麗一早做定功課,揀選去群山環繞的望仙谷,用雙眼去欣賞峽谷、溪水,呼吸清新的空氣,與大自然來一場對話。
她推介遊覽望仙瀑布、青雲橋、網紅廊橋和岩鋪老街,當中壯觀的三疊水瀑布,以及依山而建的懸崖民宿,氣勢磅礡,晚上燈光亮起,夜景靚到不得了,既浪漫又夢幻。
朱晨麗此行見到有酒坊設有「摔碗酒」環節,讓客人感受將酒一飲而盡,然後用力摔碎酒碗那份豪邁和趣味。酒坊門前堆起那一座「爛碗山」,正是人們跟隨習俗的最佳證據。
她又有口福,吃了不少地道美食。「呢度嘅麵包比較出名,係人氣連鎖店嘅發源地,同埋江西嘅辣係超級辣,如果平時比較少食辣,微辣都會覺得好辣。另外,啲雞腳多咗個『啄啄』,都幾特別。
「我好感恩去嗰幾日,雖然日頭好熱、好曬,但去到夜晚就有風,好涼爽、好舒服。我希望自己可以擴闊視野,亦都希望大家一樣,所以我去完會放上網分享,當一個文化交流。」
分享了的快樂,會帶來雙倍的快樂,這個「旅遊大使」,抵讚。
延伸內容:《東周刊》x朱晨麗 講打講愛情
延伸內容:人美心善│朱晨麗教老友記做運動
延伸內容:好友陪解憂 揭朱晨麗秘抗情緒病半年
《東周網》訪談系列節目《星桄伴我心》7月重磅嘉賓:
即睇:馬國明揭媽媽與張國榮秘密關係 認扮過曱甴陪襯黃子華 爆2千個短訊追求老婆湯洛雯 激罕示愛:希望下一世都一齊
