發佈時間：13:00 2026-10-18
動物有病應帶往見獸醫診治，惟一名元朗菜檔店主不但漠視貓咪出現氣喘嚴重病徵，當街坊帶貓咪到獸醫診所求診時，檔主竟然闖診所大吵大鬧將貓咪帶回，然後將貓咪困在窄小籠內。街坊報警，昨日警方及愛協人員到場，以涉嫌殘酷對待動物拘捕45歲女檔主。
菜檔遇火災 店貓吸入濃煙氣喘咳嗽
事緣日前周二（13日）洪水橋一鐵皮菜檔發生火警，其貓店長「多寶魚」吸入濃煙後出現氣喘及咳嗽，氣喘為嚴重病徵需要立即診治，然而當主卻完全漠視，有街坊不值於是將貓咪大到獸醫診所醫治，女檔主得知後竟然衝到診所大吵大鬧，並將貓咪帶回菜檔，困於狹窄鐵籠。街坊擔心貓咪姓名安危，於是報警求助。警方以涉嫌「殘酷對待動物」拘捕45歲姓張女檔主，而「多寶魚」則交由愛協照顧。
事件發生於周二深夜時分，洪水橋洪安里8號一鐵皮菜檔有濃煙冒出，消防到場將火救熄，經調查後因電線短路，引起火花燒着紙皮箱及生果籃，火警中無人受傷。但菜檔飼養的貓店長「多寶魚」，卻受火災影響吸入濃煙出現氣喘，好心街坊將多寶魚帶到獸醫診所治療，然而卻遭受店主無情阻攔。
街坊帶貓就醫 檔主闖診所帶走貓
有街坊在社交網絡上發文交待事件：「本身我地已經將多寶魚留院聞氧氣接受治療，但係檔主晚上突然自己去左診所擾攘要即刻帶走多寶魚，我哋嘗試同佢商量，話俾多個機會與觀察多三日之後，先送佢菜檔俾佢，或者要求佢即時將多寶魚轉到佢所講相熟嘅診所。但係檔主堅決反對，話佢自己會處理。
我哋同診所溝通後，最後都冇辦法勸喻底下，要將佢俾檔主帶走。最後醫生update多寶魚狀況，多寶魚聞左氧，氣氣喘稍為冇咁嚴重，但係都唔肯食嘢。
係檔主完全拒絕溝通底下，我地無辦法再留住多寶魚接受治療，唯有希望大家一齊去幫手監察住多寶魚狀況，一齊幫手去睇下佢之後既生活狀況，
始終醫生姑娘都話，見到多寶魚見到佢成身灰塵又氣喘，好難相信檔主自稱既「多寶魚無俾火警濃煙影響/係佢自己救多寶魚出黎」。
我地從來都唔根/無意圖拎走佢隻貓，我地亦都表示俾佢觀察住，費用我哋唔會收返佢，只要隻貓健康我地就會俾返隻貓檔主。
但係檔主三番四次改變主意一時話得一時又話唔得，之後仲話我呃佢，但係好彩佢自己話佢有錄音，我希望佢自己會聽返 就知道自己有幾荒謬。」
平日放養 晚上困窄籠
另外有街坊憶述女檔主當日在診所內大吵大鬧，堅絕讓「多寶魚」留醫：「檔主晚上突然自己去咗診所擾攘，要即刻帶走多寶魚，檔主話佢自己會處理」、「佢（檔主）畀咗相同片證明隻貓係佢嘅，所以診所都冇得唔畀返佢，但我哋已經俾晒錢，佢都堅決唔畀隻貓接受treatment」。
街坊指，「多寶魚」在菜檔生活至少兩年，平日都是放養，曾走出馬路和
跌落坑渠，檔主每日收舖後將牠放入狹小的鐵籠中。有街坊得悉檔主從診所帶走「多寶魚」後，立即到菜檔了解，發現女檔主將牠放在一個狹窄的鐵籠內，無水無糧，於是報警求助。
警方指周三（14日）下午2時左右接獲市民求助，稱洪安里8號一鐵皮菜檔疑有一隻貓被虐待，愛協人員到場評估後，發現鐵籠不足以讓貓貓活動，而且籠內沒有水及糧食，亦沒有提供醫療，警方經調查後以涉嫌「殘酷對待動物」拘捕45歲姓張女檔主。
她其後已獲准保釋候查，須於11月上旬向警方報到，案件交由元朗警區刑事調查隊第一隊跟進。涉事貓隻已交由相關機構人員照顧及作進一步檢查。
