發佈時間：11:50 2026-10-16
康文署封坪石公園假山，漠視在此生活的一家5口貓生死，幾乎將牠們活埋。昨日動物救援組織「沙肥貓」在面書發佈這種事件，義工對此甚為氣憤，一班街坊合力鑿開被封的假山出入口，慶幸貓咪仍存活，及時將貓咪救出，否則康文署便成為殺貓兇手。
假山洞口被封 活埋5貓
動物救援組織沙肥貓在社交網頁發文指：
「九龍東某公園內有座假山，住咗一班流浪貓。佢哋唔嘈、唔搞事，就係靜靜咁喺個山窿入面避雨、餵奶、瞓覺。義工一直默默做緊CCCP，捉走幼貓出領養，成貓絕育放回。
直到今朝（10月15日）有街坊行過，發現貓哋唯一出入嘅山一夜之間被人用石屎封死咗，成個洞口封到密不透風。由於肯定入邊仲有貓，街坊用盡所有辦法去撬、去鑿。終於撬開咗嚿石屎，好彩貓地仲在生。但可以想像，如果遲半日發現，入面會係點。」
街坊報警查元兇
義工及街坊對此漠視生命行為極度憤怒，於是向管理公園的康文署職員理論，對方回覆稱：「唔係我哋落柯打封嘅。」
街坊報警，警察翻查閉路電視，康文署才承認的確是職員「落柯打」，於早上10時安排工程人員進行「維修」。該命「落柯打」職員放假，無法聯絡。
康文署其後派遣一名東九龍助理經理到場，消防員亦已到達現場，證實假山內確實有貓，但因為沒有即時受傷，消防員未有即時作出拯救。之後愛護動物協會職員亦到場協助嘗試捕捉貓咪，但因為貓咪受驚，未能成功捕捉。
最後警察向一班義工及街坊稱此事件純屬「誤會」，因為無法證明康文署有關職員明知有貓都蓄意封山，危害動物性命。康文署職員向現埸義工及街坊承諾，暫時不會再有修補行動。
計劃救貓 呼籲善心家庭暫託及領養
沙肥貓義工對今次事件震怒外，亦質疑維修假山背後的真正目的。
「假山洞一直都存在，究竟要維修啲乜？
- 康文署冇理由唔知道嗰度有貓生活，刻意密封洞口是否蓄意謀殺？
- 落order維修個位同事落完order就放假，究竟係真係放假定有心包庇？」
沙肥貓義工說，雖然暫時五隻貓貓安全，但原先已安排絕育放回的社區貓，無法原地放回。目前有兩隻於該處生活已安排絕育的年輕貓咪，希望有善心人能領養。而幾乎被活埋的假山五隻貓咪，義工亦會想辦法帶走，希望有善心人能幫忙暫託或領養。
願意暫托或者領養請聯絡沙肥貓義工。
最後義工重申會持續跟進事件，絕對不能善罷甘休。
