發佈時間：17:33 2026-01-09
今早有長沙灣蘇屋邨零食店飼養的小貓咪，在門外逗留時，被路過的狗狗咬死，由於事出突然，店主來不及拯救，而女狗主否認狗狗咬死貓，還笑笑口說只見到貓咪條尾揈吓揈吓.....之後不顧而去。街坊大怒，在社交網店發帖緝兇，希望尋到這名狗主要求她道歉！
有網民在threads發帖：
「今早（9/1）約8:35，個約五六十歲，皮膚少少黑，不純正廣東話嘅女人拖住隻狗，經長沙灣蘇屋邨零食店（予樂屋）時，隻狗突然咬死咗零食店隻貓BB，個女人無道歉，仲笑住話頭先仲見到隻貓條尾fing 下 fing 下，聲稱自己一直拖住隻狗，無睇到佢突然去咬隻貓，聽到隻貓已經斷咗氣仲話：唔係呀嘛！
之後不顧而去！
事發時個女人騎住自己隻狗，唔大力咁打咗隻狗十下八下，話佢曳。不顧而去之後繼續行咗去巴士總站，個女人裝香拜天拜地拜完一輪之後，拖隻狗上咗山。
零食店姐姐已報警。相信個女人同隻狗係住附近。
大家認得長沙灣區呢隻狗同有個類似咁嘅女人嘅，請dm。」
多位網民發帖緝兇
另一位網民亦發帖：「不要評論，悲劇已經發生咗，只想搵線索！
只係覺得狗主人好不負責任，隻狗會亂嚟出街唔幫佢戴口罩，發生咗事亦唔道歉，仲笑笑口！」
第三位網民發帖：
「尋兇手
貓bb係蘇屋零食鋪養梗好得意咖
隻狗岩岩咬死隻貓，太突然冇人反應得切
狗主人無悔意仲走左去，希望搵到狗主人
貓bb主人好傷心..但佢話捉到佢都係想教育佢同隻狗起碼帶個罩先出街
佢地驚係傷害到小朋友
貓主人已報左警..蘇屋街坊可以留意下周圍環境
請問有無人見過呢隻狗，係咪蘇屋邨？」
店主自知疏忽感懊悔
據了解，小貓咪是店主新養的，平時有上頸繩。但今天早上小貓咪趁開門時走出店門附近，被路過的一隻唐狗襲擊瞬間死亡。由於事出突然，店員店主及顧客都來不及反應，雖然當場有人指責該名狗主狗狗殺了貓，但這位狗主並不承認，並只稱他的狗狗一直都有上繩，並且笑笑口說剛才還見到貓咪尾巴揈揈的，臉上完全沒有惋惜或後悔之意，並否認是她的狗狗殺貓，因為她的狗狗有上繩。
大家指她講大話，既然狗狗在她的身旁，而且上了繩，她竟然完全沒有看顧自己的狗狗而讓狗狗咬死貓咪？！事件令人憤怒，事後有多位網民都發帖講述這件事，並且希望緝兇找到這名女士。
率先發帖的網民keungtong說，當時大家都來不及反應，他後來跟住這個女人，看她是否回家，最少可以知道她住蘇屋邨哪一座。但見她上了山，然後失去蹤影。
網民keungtong說零食店主想找到她，並非希望她什麼報應，而是希望她親口應承幫狗仔帶返口罩。這位店主亦十分後悔讓小貓咪走出門口，他已受到教訓，日後再養貓咪都會好好看顧，不讓牠走出門。
從網民拍攝到的狗主背面相片看到她穿上的衛衣有個類似logo的圖案，有眼利的網民就憑衣服推測這名年紀為五六十，有機會是一個中文大學籌辦的活動的Program IEr Mentor，亦有機會是在救世軍買的舊衣。
激起民憤 促現身道歉
希望這位狗主能夠現身，向店主及貓咪道歉。請看看，閣下激起的民憤有多大？
「拖住繩都可以咬死人隻貓，正仆街主人，見到有貓就唔應該行入去啦，自己隻狗咬死咗一條生命，仲可以若無其事咁樣走，含家剷。」
「貓B好慘
裝香拜天拜地 個心黑拜幾多都冇用。」
「呢啲垃圾開樣比人認住啦！」
「狗隻咬死其他動物，在香港法律下，狗主除須承擔民事賠償責任外，亦可能觸犯《狂犬病條例》及《防止殘酷對待動物條例》。相關罰則包括最高罰款
$200,000及監禁3年，並可能被要求對狗隻採取隔離、控制措施或人道毀滅。刑事犯唔拉？」
