發佈時間：18:57 2025-11-17
很多貓主都會為貓貓佩戴靚靚頸圈，然而一些不安全的貓頸圈卻往往成為貓殺手。
日前一隻被貓頸圈緊纏入肉潰爛的貓咪被發現在草叢中，義工細看發現其頸圈移位纏繞貓貓腋下，因頸圈過緊勒至腋下受傷，露出潰爛的紅肉，慶幸最終由貓義工救獲，立即送往獸醫處診治及剪走頸帶。事後義工發文提醒大家，這些沒有安全扣的頸圈往往是貓殺手，勿用！
傷口有强烈腐臭味
獨立義工「小玉谷」日前在面書發文：
「又係嗰啲chok唔甩既頸帶扣😢，環扣位置蝕哂入肉，傷口有强烈腐臭既味道，再勒深少少就有條大血管架喇😥 醫生估計咁樣箍住已經有最少兩星期，條帶已經霉霉爛爛咁，好彩冇烏蠅蟲算係不幸中大幸😮💨
幫佢改左名叫蛋糕仔(cake仔)，男仔，年紀好細約莫得一歲，未絕育，超級無敵乖，檢查期間完全唔惡又唔使落鎮靜，乖乖咁俾醫生護士處理傷口👍🏻
由於傷口位置係一啲經常會郁動到嘅位，所以醫生會盡量逢多幾針等佢唔好咁易爆開， 順手一次過絕埋育😌
慢慢休養...
真係好彩救起佢，傷口咁樣再遲啲就不堪設想吖😥」
頸圈非必要 如要用請買安全扣
事實上，這種不安全的貓頸帶已經多次令貓貓受傷。資深義工指，家養的貓貓無需帶頸圈，因為頸圈會令他們感覺不舒服，而頸圈上如果有鈴鐺，會令聽覺敏銳的貓貓感到不適。
如果要為貓貓戴上頸圈，亦應該選擇安全扣頸圈，即遇上外力時容易甩開的一種，這樣可以避免貓貓在跳躍時頸圈被卡在不同物件上，例如衣櫃的手柄，戶外的鐵絲等；如果頸圈扣不能容易甩開，或扣死的，很大機會會導致喜歡到處跳躍的貓咪卡在大型物件上無法逃脫最終死亡，或發生頸圈移位勒傷或勒死貓咪的慘劇！另外一些飼主為幼貓戴上頸圈，如貓咪不幸走失或無良飼主遺棄，貓貓長大時亦會被頸圈勒緊至入肉受傷！
上述貓咪最終由小玉谷送往獸醫診治，由於傷口大需要暫時住院一段時間，小玉谷目前亦救援了多隻貓咪在住院治療中。各位善心人如欲幫忙貓咪醫療費，可將款項存入以下戶口🙏🏻🙇♀️
(敬請留意戶口號碼及轉數快號碼已改)
FPS
123893067
沒有Payme
渣打銀行
40919951538
Tsang Hxxx Yxxx
