更新時間：16:34 2024-12-07
發佈時間：16:34 2024-12-07
發佈時間：16:34 2024-12-07
有「美魔女」之稱的楊玉梅，剛在播畢的TVB劇集《黑色月光》中，飾演商業鉅子郭鋒的新抱，二人不斷爭鬥，她七情上面的演繹，大獲好評，因而人氣急升。有做開瑜伽的她，身形Fit爆，日前獲好友邀請，到對方開設的時裝店，為新貨拍攝宣傳照。她到現場見到咁多靚衫，即左試右試，結果3粒鐘試了40多套衫兼影埋相，效率超高。有幾套衫仲着到佢成個「闊太」咁，她笑言最後都忍唔住手買咗幾件，哈哈！
延伸內容：郵輪遇娛圈「魔爪」 楊玉梅開P掃走陰霾
延伸內容：權志龍G-Dragon潮到上天花板 帶起「大媽look」再變「權菊英」
延伸內容：「長腿女神」曾淑雅產後極速恢復產前狀態 網民大讚：「仲瘦過以前」
3粒鐘換40套衫
因拍攝在時裝店內進行，楊玉梅分秒必爭，連飲水和去廁所都拒絕，火速用3小時影足40多套衫，相當有效率，連老闆都嘖嘖稱奇。其間，她一邊換衫一邊拍照，又不停轉換甫士，搖身一變成人肉模特兒，吸引不少顧客入內選購，還有助促銷。她笑言：「因為返咗好多新貨，我全日不停咁換衫，好多客人見我着邊件，就話買嗰件，連老闆都讚我旺佢間舖。」
寓工作於Shopping
努力工作搵錢之餘，適逢聖誕佳節和農曆新年將至，問楊玉梅有甚麼節目慶祝時，她直言之後真的有不少聚會，所以趁機在現場睇啱的衫就買下來準備應節穿着，她續說：「雖然我成日演『闊太』角色，但其實我鍾意啲型格同懷舊復古同嘅衫，頭先試衫時真係睇啱咗，所以最終都忍唔到手，買咗幾件，哈哈！」寓工作於Shopping，這些都是女人天性，爽吖！
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開｜星桄伴我心
最Hit
