更新時間：16:49 2026-08-10
發佈時間：16:49 2026-08-10
發佈時間：16:49 2026-08-10
TVB長壽處境喜劇《愛·回家之開心速遞》上周圍五(8月7日)播出大結局，結束長達九年半的播映，東姑都好唔捨得，為咗支持熊家同龍家，專登去到《愛·回家》告別派對，同佢哋一齊睇大結局。去到尾聲之時，飾演「Terry龍力王」而有分參與《愛·回家之三代同糖》拍攝的李偉健，就被主持要求到台前分享感受，時就感觸爆喊，李偉健感觸萬分咁講咗句：「望住呢度真係有啲傷感，會好掛住大家。」李偉健就情緒過度激動而無法再繼續言辭，係咁話：「我講唔到喇！」並迅速退回原位，「KC」歐瑞偉以及「游生」袁文傑就上前拍拍肩安撫。
「Terry」李偉健同「KC」歐瑞偉舅甥感情深厚
東姑喺告別派對後，就同李偉健、歐瑞偉兩舅甥接傾傾偈，李偉健笑言自己從影而來，拍感人戲都唔感人， 從來都演得不好，但今次就演得好出色，因為可以一次過搞喊咁好多人，可以話是從影而來演得最好的一次。李偉健坦言：「始終我哋拍咗太多年，我哋真係有感情嘅。」但講講下，佢又忍唔住爆喊，由舅父「KC」歐瑞偉接力講落去，歐瑞偉就話佢同李偉健喺第一輯《愛·回家》已經合作，大家真係相處咗14年，會有感情，不過將來可唔可以一齊合作，就要睇緣份，現實生活中，係就係有不捨，但小別唔係勝新婚，而係大家都可以約出嚟見面聚一聚。
最Hit
