更新時間：13:00 2026-05-22
發佈時間：13:00 2026-05-22
發佈時間：13:00 2026-05-22
憑勇奪《第46屆工展小姐》亞軍入行的李婷婷（Tina），瓣數多多，百足咁多爪。近年，她不單止做KOL，又曾擔任香港賽馬會的「競馬大使」，還於HOYTV《健康關注組》當外景主持。此外，因愛馬的關係，她也有主持賽馬節目，寫馬經向馬迷提供賽馬貼士，故她經常現身馬場打交道，兼去馬房做功課。
日前，東姑去沙田馬場探朋友時，竟然發現Tina隨馬主到馬房睇馬。現場所見，她一見馬即表現得十分興奮，還主動走埋去撫摸、餵食，又跟牠傾偈交流，最後更不忘開心地自拍留念。
東姑上前搭訕，Tina表示這次是來工作，又分享睇馬心得：「我寫專欄要分享心水馬，有時就睇片，有時就直接落馬房睇馬，同啲馬仔溝通，仲會留意佢哋啲小行為，啲馬好有個性，有脾氣嘅，就最啱短途1千，爆發力強。」由於經常睇馬，故她也會落注，考吓眼光，並且最愛吼冷門馬及刀仔鋸大樹，最叻贏4萬多元，因此不少人建議她搞網上頻道講馬，她指會認真考慮，希望靠馬開創多一門事業。
最Hit
