更新時間：12:00 2026-03-27
發佈時間：12:00 2026-03-27
發佈時間：12:00 2026-03-27
今年38歲的湯怡，於2021年與星級排舞師麥秋成結婚，婚後誕下女兒麥QQ。翌年，她再「升呢」做老闆，開設自家的烘焙店。身兼人妻、人母及老闆的湯怡，同時還要兼顧演藝工作，都咪話唔忙碌，壓力更加大到不得了，難怪她有情緒，結果搞到在網上「公審」老公。
之前佗B時，湯怡曾埋怨老公冇時間陪伴之餘，又試過女兒生病時，對方去了瞓覺，要她獨自解決；另外，她去年還控訴老公忘記情人節，令到她又忟憎又不開心，更直言：「如果我唔提你，我會嬲死！」不過，兩夫妻床頭打交床尾和，而麥秋成亦不介意老婆將問題擺上網，並笑說：「鬧交講出問題係好事，唔講放喺心，就慘喇！」
轉眼間，兩人已經結婚4年多了。日前，他們便撇甩4歲的女兒，去了沙田一間屋邨的茶記，拍拖歎下午茶。當日，東姑見到兩公婆坐埋一排，貼到實研究餐牌，最終由湯怡拍板，決定一個餐兩份食，非常恩愛。而在等餐期間，他們又拎出手機互睇，完全冇避忌、零秘密。咁咪好咯，夫妻坦承相對，鬧交自然都少啲喇！
最Hit
