更新時間：14:54 2026-02-26
發佈時間：14:54 2026-02-26
發佈時間：14:54 2026-02-26
昨日(2月25日)「新城廣播新春團拜」在黃埔舉行，新城廣播行政總裁馬浚偉率領管理層、台長及節目主持，「鎮台之寶」薛家燕、以及一眾歌手友好泳兒、曾比特、周吉佩、張與辰、鍾柔美、詹天文等齊與大家拜年，大批粉絲到場應援。東姑都有到場同大家拜個年，現場所見換了一頭公仔麵髮型的家燕姐人氣最強勁，佢大派「財神利是」分享喜氣，現場街坊及工作人員都爭住同佢拜年，逗利是沾旺氣。
Set公仔麵髮型有原因
薛家燕自言一早準備了數百封利是，但都唔夠派，佢話：「好多朋友去年得到我封利是，都話好好運，有朋友在剛過去的2億金多寶中了數萬元，特別與我分享喜悅，更約我食飯。」家燕姐坦言李居明師傅講過，派利是派得越多越好，因為派咗出去的，一定會雙倍返嚟，所以今年就準備了8000封利是，截至昨日為止，已經派了12萬元利是，分享到的不止運氣，自己也開心，希望大家都心想事成、身體健康。至於佢個新髮型就即時引起熱話，有網友讚佢靚咗好多，但都有唔少網友覺得好騎呢，就新髮型問題，家燕姐就笑言自己喜歡扮靚，所以試下新嘢，視覺上多咗頭髮好意頭，更發達！
最Hit
