更新時間：02:33 2025-10-10
發佈時間：02:33 2025-10-10
發佈時間：02:33 2025-10-10
昨晚（10月9日）林子祥(阿Lam)和葉蒨文(Sally)夫妻檔在紅館舉行一連五場的《白頭到老WE ARE ONE》演唱會。東姑有幸到場睇騷，就見有唔少城中名人藝人到場支持，有朱玲玲及丈夫羅康瑞、狄波拉、賈樟柯導演、蔡一智、陳潔靈及車婉婉，和全程手拖手甜蜜到漏的吳浩康和太太郭思琳等等到場捧場。
吳浩康孖太太恩愛睇騷
吳浩康和太太郭思琳一早到場，二人坐在前排位置，坐喺佢哋後面呀嘅東姑就見到佢哋兩個不時頭貼頭、四目交投，真係隔咗兩行櫈都feel到甜味。
至Encore部分，林子祥(阿Lam)和葉蒨文(Sally)唱 《友愛長存》和《分分鐘需要你》時，二人更加如初戀般甜蜜地肩貼肩哼着歌仔，此時此刻，東姑只諗到「濃情化不開」這5個字。
兩前度胡定欣、莊思敏同月報喜
其實吳浩康表現風騷又確實係應該嘅，皆因佢分別兩位前度胡定欣同莊思敏都同時在10月報喜。胡定欣嫁外科醫生陳健華，而莊思敏宣布嫁給高級督察男友，兩位前度都覓得真命天子，自己又娶到個好老婆，齊齊都有情人終成眷屬，當然皆大歡喜，開心Happy仔啦！
延伸內容 : 胡定欣宣布結婚升呢為人妻 與醫生老公陳健華甜笑切結婚蛋糕Sweet到爆
延伸內容 : 莊思敏峇里島閃婚甜到爆 超Deep V婚紗勁吸睛 奉子成婚？她咁樣回應
延伸內容：45歲莊思敏離婚3年 閃嫁高級督察 「新郎哥」真身曝光 高大靚仔似林峯
傳胡定欣被莊思敏搶走男友 鬧爆：你都係着我舊鞋咋！
胡定欣於18歲參加全球華人新秀歌唱大賽認識吳浩康，二人拍拖逾兩年，吳浩康當時因藏毒惹上官非，形象跌入谷底，但胡定欣仍對他不離不棄。不過，至2006年有傳吳浩康因搭上「拿督千金」莊思敏而令二人戀情告終。
當時胡定欣否認和吳浩康分手與第三者有關，不過有傳莊思敏橫刀奪愛搶走吳浩康，兩女曾在電梯巧遇對方，雙方繼而發生口角，胡定欣即鬧爆莊思敏：「你都係着我舊鞋咋！八婆！」
《東周網》訪談系列節目《星桄伴我心》10月重磅嘉賓：
即睇：湯令山失戀情歌點擊破1500萬 坦認喊住唱 揭Wyman教做人智慧 爆生得唔高謎團 曾擔心生計做某件事
立即追蹤《東周刊》全新WhatsApp頻道，緊貼全城熱話、突發猛料、獨家消息！
最Hit
