更新時間：17:19 2025-06-06
發佈時間：17:19 2025-06-06
發佈時間：17:19 2025-06-06
就快30歲的容天佑於2011年參加《功夫新星》獲第三名，當年18歲的他再投考藝員訓練班正式加入TVB。容天佑簽約TVB後，拍過不少劇集，而他在《法言人》中演見習師爺「Tony仔」，飛踢馬國明表演身手令人留下印象，之後在《隱形戰隊》中向劉佩玥搜身摸其大腿，戲份漸多。至去年《逆天奇案2》中，容天佑飾演的O記警員口水言，就有不少打鬥場面，令本身有功夫底子的他有很大的發揮，知名度隨即大增，吸了不少粉絲。
容天佑唔止打得 唱功一流冧爆粉絲
容天佑靚仔又有型，其實東姑本尊都好喜歡他，早前東姑約咗幾位好姊妹去維園嘉年華湊熱鬧，就見到容天佑有份參與演出，他就一連唱了兩首經典金曲，一首是哥張國榮哥哥的名曲《不羈的風》，以及葉德嫻與陳潔靈的合唱歌《千個太陽》，雖然平日多見容天佑拍劇晒演技同功夫多，但原來他的歌喉一樣咁得，真係聽到東姑耳油都出埋。
台下的粉絲聽到high high，一邊歡呼、一邊擧燈牌以示支持，聽完兩首仍未夠喉，不停在台下狂呼encore，場面非常熱鬧。得到粉絲的支持和愛戴，容天佑都真係好識做，即時落到台下同粉絲簽名、握手、傾計和合照，粉絲可以同靚仔偶像近距離接觸，個個冧住咁走，當然東姑都好滿足啦！
最Hit
