更新時間：08:38 2023-09-15
發佈時間：08:38 2023-09-15
發佈時間：08:38 2023-09-15
早排，東姑在長沙灣發現喬寶寶的蹤跡。這位已經移民蘇格蘭的仁兄，經常在香港出現，大家不禁會問：「佢係咪真係移咗民？」寶寶哈哈大笑說：「唔通香港有嘢做，我唔返嚟咩，其實蘇格蘭真係幾悶，返嚟見吓啲朋友，又可以賺錢，一舉兩得。今次我返嚟係拍一套電影，真係搵錢返去養妻活兒㗎！」
在寶寶旁邊，有一名南亞裔索女，望真一點，原來是有「中東鍾楚紅」外號的ViuTV主持鄧祖欣（Pamela）。香港出生的Pamela，6歲移民英國、26歲回流香港讀法律。畢業之後，她並沒有選擇做律師，而是加入投資銀行。不過，她的最大興趣卻是做娛樂圈，所以幾辛苦都要騰出時間參與幕前的演出。這些年，她主持過的ViuTV節目，包括：《快樂童盟》、《傾 of the World》及《今昔補習社》。
當日，Pamela手執枴杖，行路時一拐一拐。東姑八卦問個究竟？她哈哈大笑說：「因為我貪玩，前幾晚飲到醉醺醺，唔覺意撞咗埋去一張雲石枱嗰度，鋒利嘅角邊𠝹開咗我小腿塊肉。我立即入咗醫院縫咗6針。出得嚟蒲，預咗有少少疤痕做印記啦，哈哈！」在旁的寶寶立即搶說：「佢係女中豪傑，條疤痕又唔係喺塊面度，對佢嚟講冇乜所謂啦！少少苦楚等於警惕，有啲疤痕，佢先會飲少啲酒。」
最Hit
