何伯2.0？周日（27日）無綫節目《東張西望》中一位報料人吳小姐，指媽媽離世不久，73歲老父竟帶細他28歲的「小三」入宮同居。一直以來吳小姐和兩名女兒，是和吳父一起共住赤柱大屋，吳父提出小三同一屋簷下，吳小姐十分反對，吳父為了要她搬走，迫她每月支付20萬元租金，以及拒絕向她歸還賣樓得來的600萬元！

吳小姐在《東張西望》中透露，指現在吳父如「精神崩潰」般向她咆哮：「佢話我哋對佢唔好、冇照顧佢！」她指母親在三年半前即是2021年4月離世，但母親過身後2個月，父親卻說要「搵女人」：「佢話要搵個女人返嚟照顧佢，又話要搵個女朋友。我覺得好奇怪。」

怎料吳父真的「言出必行」！有次吳小姐返家時，發現父親帶了一名女子返家，「佢以為冇人喺屋企，見到我好愕然，佢介紹嗰個女人，我就『掘』住佢，冇睬佢！我爸仲問個女人口唔口喝，不如斟杯水，我係未聽過我爸咁溫柔咁同我媽講嘢，亦都未見過我爸會斟杯水畀我媽。」

相關閱讀：揭Fendi披肩女真身！有米學霸狂晒水着相　揸百萬波子當Hermes係書包！

見小三入屋即眼火爆

吳小姐見到眼前的父親如此「荒唐」當然火滾，忍不住扔水杯，更指着爸爸的女伴說：「我指住嗰個女人鬧佢，我話：『做人小三，仲好意思入人哋屋企』」

因為拒絕「小三」搬入家中，吳小姐和父親的關係完全破裂，吳小姐哭着說，指父親性情大變，眼神充滿恨意：「變到好似惡魔咁，佢同我講嘢個樣好兇，佢對眼好似好憎你咁，所以我成日覺得，到底我係咪佢個女！」

「後嚟我知道嗰個女人，個年紀同我一樣，我真係覺得好核突！我更加覺得呢啲女人係為錢先黐埋去你度。我話『出面個女人係咪貪你啲錢咋，你好好睇清楚啲喎』。然後佢就話『咩人我自己點會唔知呀，都一齊10幾年。」吳小組說。

有錢人要包二奶

吳爸爸甚至認為，作為「有錢人」就要包二奶，他向吳小姐說：「有錢佬有小三、小四、小五，有咩問題？」完全不接受的吳小姐，更被父親指罵她「不孝」：「話我不孝啦，話我唔接受佢個女人係我唔啱，話我唔錫佢，佢想搵個女人照顧佢，我有同佢解釋，唔係唔畀你搵個女人照顧你，而係呢個係多年嚟嘅『小三』，要我接受呢個小三，我覺得對唔住阿媽！」

吳爸爸視吳小姐為仇人，就連對外孫女的態度也不同，吳小姐哭着說：「囡囡都有問，點解公公變晒？以前好錫佢，而家成日鬧佢。我原本係想同爸爸住落去，冇諗過屋企會變天。」由於她拒絕小三入屋共住，吳父即下令要吳小姐三母女搬走。

以交20萬月租來威迫

吳氏一家居於赤柱南灣的一間大屋，是2000年以公司名義持入，公司股東是吳小姐的爸爸及媽媽。吳小姐拒絕小三「入宮」後，吳父要她一家三口搬走，否則要每月支付20萬。「佢話你要住就要每月畀20萬，我真係覺得好荒唐！佢話佢如果住呢度，一樣會交20萬租。一直係全家一齊住，點解阿媽死後我變咗要交租？我覺得嗰個女人係有份，佢想要呢個屋企，佢想要呢間屋，所以我爸爸先至不停趕我出去！」

吳小姐說因要照顧子女，現時只可做兼職，就算要搬都要有足夠積蓄，本來她早年賣樓套現600萬元並存做定期，吳父得知後以高利息為由，游說她把款項存入他的戶口，最後吳小姐分4期存入父親的私人戶口。她說本來父親一直有給她利息，直至因小三入宮一事出現：「佢搬出去，逼我走，佢想我快啲使晒啲錢，佢就開始喺利息度，扣我間屋嘅管理費，咁就畀少咗（利息）我，佢係千方百計畀少啲，令我冇乜收入，盡快使晒啲錢，快啲搬走。由2023年年尾開始到而家，佢冇再畀利息我，乜都冇畀返我。」

吳小姐說曾向吳父要求取回600萬元，才可另覓地方搬走，「又要迫我走，又要唔畀返啲錢我，當時佢推三推四，唔再提，後來話自己冇錢。」雖吳父聲稱冇錢，但她後來發現公司帳目中，還有其他款項存入。

吳小姐續指父親已有5個月冇供樓，今年5月時銀行也有發收樓信給父親，她指父親是拒絕供款，一心等銀行收樓，令她無家可歸。「佢已經搬咗出去，唔會care銀行收呢間屋。對於嗰個小三嚟講，佢覺得入唔到嚟住，都唔會畀我住。」

吳小姐現在前路茫茫，聲稱已變賣母親給她的首飾來解決經濟困難，「就算唔捨得，都要賣，我唔明爸爸點解要迫到我咁嘅樣？就係為咗呢個女人，就做呢啲事嚟迫我害我。」