發佈時間：17:02 2025-04-19
兩性關係︱AI Grok︱結婚本來是快樂的人生大事，要籌備畢生難忘的婚禮，需靠伴侶之間的共識，但近日有一名港女在Threads大吐苦水，稱在搞婚禮過程中自己己處處退讓，惟新郎堅持只做一件事：影婚紗相，至於行禮及擺酒等全部say no，更以「六字真言」落閘表明冇彎轉，這名港女準新娘發文求教詢問網民意見！小編更以找Grok 3分析教路，建議超貼地實用！
港女在Threads發文一開頭表明心情：「我好攰，我搵唔到人去傾訴呢件事」，她說和男朋友相戀6年，日前對方更正式向她求婚：「求婚嘅場景係我想像過嘅，所以我都開心咁答應咗」，更說想和男友傾好婚禮安排後，才向親朋戚友報喜。
港女想搞輕婚禮
關於婚禮的規模，港女稱一直不想太隆重鋪張，加上和男友都是單親家庭長大，親戚不多：「係細搞嘅輕婚禮，大約邀請40-50位最親嘅家人同朋友，唔擺酒，淨係請佢哋觀禮證婚，之後影下相，食吓小食咁。」
當港女提出相約雙方家長傾談婚事時，男友竟說「咩都唔想搞」！港女說：「佢（男友）話佢咩都唔想搞，好討厭婚禮嘅細節流程，一嚟佢親戚朋友唔多，唔想做show，二嚟佢覺得呢啲野晒錢，留番喺未來生活用好過，佢唯一接受到嘅就係影結婚相。」
最令港女感到難受心痛的，是她已退讓，並提出她心目中的「輕婚禮」的內容減省至只有觀禮部份，港女說：「我話：咁如果只係刪減到得觀禮部分呢？佢話：sorry，做唔到，你去搵其他人。」
男友神回6字超震撼
「你去搵其他人」這6字深深打擊這名準新娘的待嫁心情，港女說：「有冇人明呢番說話令人幾心痛，我哋連結婚第一個共識都未達到。當然我明白結婚係兩個人嘅事，但我都想有啲儀式感去慶祝，你話係場show都好，但我都想做一次人哋眼中嘅新娘，接受最愛嘅人嘅祝福，唔知點解好似都係錯。我以前都有向佢提過下想結婚邀請家人朋友，佢都無say no，所以果吓聽到咁我好唔開心。但我真係愛佢，一方面我唔想為難佢，但另一方面我覺得我如果我繼續退讓，我個心會留低遺憾。」
相關閱讀：因為愛情︱韓星宋枝恩偕半癱老公遊香港：「再次充滿了幸福！」8大愛情金句治癒人心！
相關閱讀：大肚人妻同小三對質遭進擊反噬！老公唔幫口辯稱避孕套另有用途！網民直斥垃圾！
Grok 3向港女教路
這名港女發文後，引起廣大網民熱議（網民留言在文末），AI又點睇？小編把港女的發文在Grok 3分析，Grok 3分析非常貼地及人性化！Grok3首先安慰港女並說理解她的心情，並一針見血的直指男方「說話好傷人」。Grok 3話：「求婚本來係件開心事，但同另一半喺婚禮嘅想法上出現分歧，確實會令人覺得好無力同心痛。你提到想有個簡單但有儀式感嘅輕婚禮，邀請最親近嘅家人朋友，見證你哋嘅愛情同承諾，呢個願望好合理，亦都反映你對婚姻嘅重視同憧憬。相反，你男朋友似乎完全抗拒任何形式嘅婚禮，覺得係「晒錢」同「做show」，甚至提到『搵其他人」，呢啲說話確實好傷人，特別係喺你試圖同佢溝通同妥協嘅時候。佢嘅態度可能令你覺得自己嘅想法唔被尊重，甚至有種孤單感，覺得喺呢件人生大事上，佢同你唔係一條心。」
Grok 3更作出3大深度分析，提出6大解決方法，幫到手又貼地！按圖即睇Grok 3點幫呢名港女！
網民有話兒
港女呻男友結婚只肯影結婚相，否則叫她「搵過另一個」，這段發文立刻引起熱議。有不少網民力勸港女分手，不要為嫁而嫁，又指男方無理及自私，從無顧及女友感受，又直斥男方6字「你去搵其他人」是非常離譜過份：「控制慾！視婚姻如超市」、「不專重拒絕溝通」等，認為男方的自私自我，會影響日後婚姻關係。
但同時也有不少網民如兩性關係專家般分析教路，並從男方角度出發，認為港女要同對方慢慢傾。而港女也有逐一回覆，稱認為男友是不喜歡應酬親戚，抗拒儀式，並非因錢的問題。
‧「佢會肯影結婚相，證明佢對兩個人嘅嘢都有care嘅，而且佢都強調想留錢俾日後生活。如果好多人會令佢好大壓力，同家人關係唔好又會好尷尬嘅話，可能就要諗，冇人見證遺憾大啲，定係對方喺一個唔自在嘅狀態下完婚會更遺憾？婚禮事實上佔成段婚姻好少部份，如果因為婚禮，開咗一個唔好開始喺婚姻，先係最可惜」
‧「現代人就係咁奇怪，齋講呢個post，明明兩個人係有愛，但就為埋啲人類自己創造出嚟嘅繁文縟節、商業社會洗腦嚟自尋煩惱、親手破壞關係。comment仲大把人話唔結、分手，咁兩個人一齊，係為愛，定為結婚？最珍貴嘅係個人本身定係場大龍鳳a.k.a.美其名「回憶」？遺憾？唔搞show遺憾大啲定無埋個人遺憾大啲？如果兩個人一路繼續落去可以相安無事、相敬如賓，但竟然為咗談婚論嫁最終分道揚鑣，會唔會有啲反智、兼本末倒置？」
