發佈時間：17:01 2025-04-12
兩性關係︱出軌︱偷食︱太太身懷六甲已身心俱疲，需要的無疑是丈夫的愛護及支持，但如果發現丈夫私藏多個避孕套，辯稱另有用途外，更被小三惡言相向，這段婚姻是否應走下？
發現避孕套
日前在FB專頁「十萬個惡頂老公的惡行」中，一名港女人妻發文大吐苦水，稱之前在陀BB期間，已發現丈夫不尋常，找到多個其他牌子、不是用開的避孕套，而丈夫的解釋更是「騎呢」：「當我未知你的婚外情，我在孕中期曾經問你，化妝袋內發現多個condom，跟家中櫃筒是不同牌子，你話『打飛機』用的，話唔想污糟地方....我真的相信。」
丈夫以「衞生」問題來解釋自瀆時需要用避孕套，已經不可思議，雖說人人的生活習慣不同，但港女人妻也惟有照樣相信。直至BB出生前兩個月，港女人妻終於發現丈夫是出軌。
小三寸爆大婆
港女人妻稱只能看到丈夫和小三在2022年11月至12月的訊息，之後已被丈手搶走手機並刪除，但丈夫和小三的不倫關係明顯已維持了超過兩年。她質問丈夫跟小三的訊息內容，丈夫依然死撐。「個女人提過『愛愛係令我覺得好親蜜，嗰刻你先係屬於我嘅！』個女人曾經有稱呼男方為『爸爸一次』、『老公一次』，我問係咩意思，佢（丈夫）話係個女人亂咁講，咩事都無，我嗰刻還有一絲希望想相信你們無上床。」
忍無可忍，見老公胡扯一番，港女人妻當場打電話給小三問個究竟，小三的反應更是令人意想不到！港女人妻寫道：「我在你面前打電話給你女人，佢（小三）叫我反省下自己有咩問題，點解我老公要咁做。你（老公）沒有為我反駁任何一句，任由個女人話我，你跟我一樣 真的好懦弱。」最後如何收科，港女人妻未有說明。
網民勸離婚早日斬纜
港女人妻大呻被小三鬧爆的發文，即令網民哄動熱議，直斥該名小三不知廉恥「惡過鬼」，更以「垃圾」來形容該名丈夫！
網民留言：「請離開垃圾！一個連老婆仔女都保護唔到嘅男人，要嚟做咩？」、「當一個男人任由另一個女人去鬧你，即係佢已經選擇咗，佢講過咩做過咩，都已經唔重要，唔好再折磨自己！」、「任由個小三話你，咁懦弱男人，送畀小三啦！好好湊大個B，唔好留戀呢啲垃圾！」、「打飛機帶套，咁唔環保你都信？」、「戴套打飛機真係第一次聽，咁爛嘅借口都講得出，簡直侮辱智慧。」
同時也有不少網民力勸港女人妻應理智解決，離婚為上，早日斬纜：「你唔願意醒，老公畀咩荒謬借口都會相信，因為唔想分開，自己呃自己。被個女人話檢討自己，個男人都唔出聲，仲留戀嚟做咩？」、「離開係唯一選擇，對小朋友影響好大」
相關閱讀：
斥老公冇錢冇高潮！人妻偷食已婚同事 擔心小四出現求教：佢唔離婚，但我想嫁佢！
富豪帶「五索2.0」去馬場大婆收風捉姦！轉數快施1招拆彈免7街瞓！
