發佈時間：20:07 2026-08-25
香港人口老化長者越來越長壽，然而部分長者患失智症，需要入住院舍由專人照顧。近日有網民發表失智家人在院舍得到員工窩心照顧，包括讓他坐在門口扮「食Q」（看更）讓他有細藝和成功感。貼文引來網民熱烈回應分享老人院對照顧失智長者的人性化安排。
坐門口扮「食蕉」
Threads網民日前分享家中長者獲院捨善待的故事：「清緊舊相時搵到呢張相，我爸當時腦退化算嚴重，出左門都唔識返屋企，所以住老人院，護工唔想佢周圍走，同佢講請左佢做看更，負責睇住走廊有無人偷野，佢同我講份工幾好做，無乜野做好輕鬆。
我話過兩日等你出糧，就出去食餐好！」
網民回應指：「真係做食蕉，份工真係好，有得食有得拎，希望伯伯住得開心」
貼文引來其他有類似遭遇人士留言，其中一位分享婆婆的故事：
「我自己係醫護，都真係佩服老人院護理員嗰啲諗頭多到你唔信。
我婆又係腦退化，老人院姑娘會問佢今日返尿片拆紙皮，要唔要拎去買？
阿婆以前係工廠大廈執紙皮，見到紙皮就心心眼，之後姑娘放咗幾塊紙皮喺佢房，話過兩日就貨車收，阿婆話記得提佢去賣。」
氹婆婆絕招
「以前都有個院友，佢都係dementia，佢又係當自已員工成日係院舍周圍搵野做，又走入員工休息室 又入護士站，之後院長搵佢幫手摺衫
佢好開心不停摺（佢屋企人同意）」
之後有網民回應：「我上去院舍探老人家，真係有好幾個喺度幫人摺衫，仲識同佢哋分返唔同區嘅衫」
另一位婆婆故事：「我嗰時做老人院，有個阿婆偷走話要去搭船，我同佢講打緊風，要等吓幾時先可以開船，叫佢坐喺我前面等，我話一有船就通知佢。佢就揸住佢d家當，坐喺我前面等船。」
善意的謊言險闖禍
「分享下，我老豆住果間老人院，個社工為左想我老豆忍受隔離床阿爸成日嘈生晒，呃佢話人地係殺手，係鄉下叫緊人黎殺我老豆，佢個仔係某大集團CEO，好巴閉，嚇到我老豆成日打電話比我話好驚，驚到要轉房，d姑娘又以為佢有幻覺，要佢睇精神科，想迫佢食懵仔丸。
好在佢社工自己爆響口係佢自己作出黎既，先係醫生開藥之前stop到佢地。
其實講故仔冇問題，亦都理解，但好心同黑心，出黎個效果完全唔同。」
呃呃氹氹愉快過一天
「曾經聽過一個 case，喺老人院入邊有個婆婆又係有腦退化，但係屋企人唔係成日嚟睇佢，婆婆每日都會問有冇人嚟探佢，有個護士周不時會買啲麵包汽水俾佢~
善意謊言：頭先佢嚟咗㗎啦，不過你瞓着咗，你個女帶咗啲麵包俾你啊，食咗先啦。」
「好多謝做呢一行嘅人會咁有心對老人家，我中學通識科SBA嘅topic就係老人院，當年入咗好多間老人院做採訪資料蒐集，見到啲公公婆婆嘅嗰一刻，我感覺到佢哋好需要愛而謢工們做緊嘅嘢，就係「愛」」
沒有巴士到的巴士站
亦有網友分享．「澳洲有間老人院，set左個kmb巴士站，等老人家可以等巴士返屋企。事實上巴士站係冇巴士到達的，但就可以滿足老人家等巴士的願望。」
事實上不少外國的老人院舍都設有巴士站，澳洲、德國等都有，目的就是讓想外出或是回家（院舍外的家）的長者等候巴士，而這個巴士站永遠都不會有巴士到站，而長者等吓等吓又過了一日。部分外國老人院更設有不會開動的巴士，老人家上了巴士後，就坐在巴士上等開車，又或者幾位老人家一齊上車打算去玩，結果聊天又過了一日。
失智症長者照顧要點
照顧失智症（認知障礙症）長者是一項需要耐心、技巧與彈性的長期挑戰。核心照護原則是「以人為本」，維持長者的尊嚴並建立規律與安全的環境。
綜合醫療與社福專家的建議，失智症照護可從以下四大核心面向入手：
1. 溝通與情緒照顧技巧
- 用字簡單明確：說話放慢速度，一次只講一個指令（如：「請喝水」，而非「去拿水杯來喝水再放回去」）。
- 多用正面引導：避免使用「你又忘記了」或否定、責備的字眼，這會引發長者的沮喪與焦慮。
- 關注情緒而非對錯：當長者出現妄想（如懷疑東西被偷）時，不要與其爭辯，應先同理他們的害怕不安，再用其他事物轉移注意力。
- 維持固定作息：制定定時的日常作息表（如固定時間吃飯、睡覺），能大幅減少長者因記憶混淆而產生的不安與暴躁。
圖片：互聯網、AI生成。minerva lau、阮佩君
