更新時間：10:00 2026-11-15
發佈時間：10:00 2026-11-15
發佈時間：10:00 2026-11-15
周末想去玩，但又唔想飛咁遠？直接帶大家捐窿捐罅，去到廣東周邊嘅「小土耳其」！望住呢個景，真心以為自己去咗卡帕多奇亞！成個山谷都係彩色熱氣球，配埋翠綠色嘅一整片茶園，仲有個童話風旋轉木馬，簡直勁浪漫！
懸崖咖啡廳露台簡直世一
呢間叫「懸崖咖啡廳」嘅Cafe，個露台位真係世一！叫件邪惡雪糕厚多士同飲品，靠住個玻璃窗，180度無死角俯瞰成個茶園山谷。午後陽光透過蕾絲窗簾曬入嚟，打卡出片率直頭係100%！重點係入園免費，喺Cafe是但買杯嘢飲就可以坐足大半日，性價比超高！
廣東小土耳其詳情
地點：惠州博羅·熱氣球茶樂園丨懸崖咖啡廳
交通：建議由深圳福田/深圳北搭高鐵去「惠州北站」或「博羅站」，再轉的士直達(車程約30分鐘）
人均：入園免費，Cafe任意消費即可入座(約¥40-60)
小貼士：
熱氣球下畫先會開始充氣，朝早同中午去係冇熱氣球嘅！
建議下午4-5點去，日落黃昏啲柔光影相最靚，晚霞漫過山谷，逆光剪影超浪漫。
三樓仲有個攝影基地，有鳥巢、鋼琴等場景可以影，入場費需¥20一人
最Hit
