發佈時間：17:01 2025-02-10
渣打香港馬拉松2025昨日（9日）開跑，首次參加半馬賽事的黃建東（Derek），一早到尖沙咀彌敦道起點作準備和熱身，終點位於銅鑼灣維多利亞公園。患有足底筋膜炎的他，無懼比賽中途病發，更笑言跑完半馬先復健，最感動是跑入西隧一刻，一眾跑手一齊歡呼互相打氣，令他即感動得流了幾滴眼淚，因他沒想到自己真得可以捱到，就像自己堅持追演藝夢一樣，原來「我真係得」！
首參加半馬限時完成
首次參加「渣馬」半馬賽事的黃建東，昨日穿着自己設計、前面寫上「足底筋膜炎 戰勝先係堅」和背面寫有「無懼足底筋膜炎 跑完半馬先復健」字句的風褸，鼓勵自己不要放棄且要完成賽事，皆因好多朋友知道他患有足底筋膜炎，都勸他放棄、「甩底」或改參加10公里賽事，可惜已不能改，惟有堅持下去，難得沿途獲得不少跑手和途人打氣，他直言超感動，更沒想到自己真的能完成，「我最初預自己真係會用足3個鐘㗎，點知比預期中輕鬆同快！」結果用了2小時25分25秒完成，他沾沾自喜稱：「只係慢發哥（周潤發）1分鐘咋！」
跑到入西隧感動流淚
黃建東在比賽過程中，最難忘是跑到西隧口的一刻，他解釋：「成日聽人講跑『渣馬』入西隧去到出西隧呢段路係最辛苦，因有好多人拉柴跑唔郁，亦有好多人抽筋力不從心，自己發夢都諗唔到可以捱到去呢個Moment。跟住入到去全部人一齊歡呼吶喊為大家打氣，嗰種齊心、關愛、眾志成城嘅感覺，實在太Touching，令到我啲眼淚唔爭氣咇咗少少出嚟，香港人實在太有愛！」
堅持完成半馬有原因
其實黃建東今次堅持完成半馬是有原因的，像他堅持追演藝夢的原因真的好似，「好多人都覺得我唔得，唔睇好我、唔相信我，但係我內心知道自己真係得，我係有呢個能力可以做到，所以我點都要完成目標去證明自己真係得！」廣結朋友的他，昨日參加半馬偏偏沒遇見任何一個朋友，全程都是自己孤單一人去跑，冇人陪、冇人鞭策又冇人分擔，「同我喺追夢道路上一樣都係孤單嘅。」所以他跑完渣馬之後有好大啟發，亦好有成功感和滿足感。
跑步與減肥一樣的啟示
他深深體會跑步與減肥一樣，「唔係話你幾有錢或者幾多人幫就一定做得到，最終都係要靠自己一個完成，靠自己忍口、靠自己跑步、靠自己推個啞鈴。謝謝上天尋日俾呢個磨練同啟示我，令到我蛇年變得更堅強同埋更有信心！2025年大家一齊加油、向前行克服困難！Come on, let’s go!」他補充說：「我已經諗緊出年渣馬要再戰半馬，要做出更佳嘅成績！」
延伸內容：試食洞鈜法師至愛沙嗲烤肉 黃建東：破戒有原因，好食到冇朋友！
