發佈時間：18:25 2025-01-27
陳慧嫻「The Fabulous 40 陳慧嫻演唱會」昨晚（26日）完成第5場，她將應節收爐3日，於年初二再啟市。陳慧嫻昨晚邀請ERROR擔任嘉賓，她笑言舞台上只想與肥仔講嘢，因大家的高度差不多，終於可以用水平線對望；其他3位組員阿Dee何啟華、吳保錡和「193」郭嘉駿就由得他們，免自己不停向上望得多會頸痛，哈哈！
陳慧嫻與ERROR關係
陳慧嫻講笑過後，她先多謝ERROR，邀請她加入年青人隊伍，她續說：「可能有好多人都唔知我同ERROR係乜嘢關係，其實係ERROR最近有隻新歌，邀請咗我去客串呢首歌MV入面一個角色。」ERROR的肥仔坦言：「其實我哋個個都識你㗎，同埋我哋有個心願，想搵啲靚姐姐合作；而你唔係客串咁簡單呀，你係女主角呀！」
陳慧嫻又多謝他們做嘉賓，更向4子鞠躬，而ERROR見狀即以鞠躬回敬，193笑言再這樣下去便要跪地。ERROR又謂：「陳慧嫻嘅《跳舞街》係經典，本來我哋嘅新歌係希望可以向《跳舞街》致敬，Mix埋《跳舞街》音樂落去，但最後因為版權問題實現唔到，所以點都要搵慧嫻拍MV Cross Over佢哋嘅《野舞士》。」
收爐3日休息等腳散瘀
陳慧嫻完成第5場後，她就可以收爐2日，待年初二再啟市。昨晚她完騷後接受訪問時稱：「今晚係龍年最後一場，我揀唱《去吧》都係因為咁，龍年去吧，有咩開心唔開心都要放下，一齊開開心心迎接新一年！」收爐這3天，她表示主要是休息和訓覺；由於她頭場「華麗跌親」，所以其膝頭哥已瘀晒，幸好不造成大礙，亦可趁這段休息時間好好散瘀一下。而昨晚所見，陳慧嫻再穿上同一條藍色裙時，裙上已加了手抽令她可抽起條裙走路，安全了很多。
新年用6位數字封利是
她透露將會用6位數字去封利是，並準備初二尾場派給所有台前葛後的工作人員；而完成尾場後，她才會跟家人聚會拜年及慶祝新年。問她新一年會否想搵個男朋友？陳慧嫻回答說：「我都咁大年紀，唔會再強求喇；而我好幸福，身邊有好多好朋友同屋企人陪伴嘛，但其實我都唔會抗距嘅，如果人生真係有緣份上嘅安排，先去諗接受囉！」
延伸內容：陳慧嫻首場紅館騷即爆意外 高台跌倒 全因讚自己讚出事
延伸內容：陳慧嫻宣布演唱會加場 23號晚有聖誕直播 大爆私密心事普天同慶
《東周刊》最新一期提早1月25日出版！隨書附送《蛇年行運東勝》
千呼萬喚的《蛇年行運東勝》於1月25日隆重登場，雲集全港9大玄學名家！隨最新第1118期《東周刊》附贈，於便利店、各大報攤發售，記得去買返本睇吓蛇年如何行大運啦！
《東周網》訪談系列節目《星桄伴我心》1月重磅嘉賓：
即睇：獨家質詢馬清鏗「小三」五索“我係賤人，但我住山頂，你唔恨得咁多！”
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
