發佈時間：17:51 2025-01-23
今年34歲的網紅「五索」鍾睿心（Rachel），自從被《東周刊》獨家披露，與66歲的百億富豪馬清鏗交往9年後，就被封為「最強小三」；而言論出位的她，經常拍片炫富，除大晒近千萬元的愛馬仕包包外，更在其山頂豪宅拍片，凸顯自己是「真富婆」。
日前，《東周刊》再獨家專訪這位寸嘴小三；而堅持做情婦無罪，只愛金錢的她，不斷囂張地大爆金句：「我信窮人先至落地獄！」、「我唔知我係小幾喎，我淨係知道我好多錢！」、「人哋買架車都幾10億啦！講你都唔識啦！」幾10億一架車？聽完之後，有網民都不禁O嘴嘲諷：「貧窮確實限制了想像！」
延伸內容 : 馬清鏗老婆真身曝光 出身銀行世家現職醫生貴氣十足
延伸內容 : 獨家質詢馬清鏗「小三」五索 “我係賤人，但我住山頂，你唔恨得咁多！”
「五索」街市妹變鳳凰 教人做「雞」技巧
近月，「五索」鍾睿心（Rachel）頻頻孖住裕美、林作拍騎呢片，包括：教人釣金龜、如何由街市妹變鳳凰，甚至教人做「雞」的技巧。片中，五索豪言：「今晚我要教你哋做一隻搵到錢的雞」和「要盡量製造身體接觸，挑起佢嘅性慾」等等，她又指要姣擒富豪，可以扮飲醉、咬頭髮、摸鎖骨、露重要部位等，意式形態非常大膽。另外，她又經常以富婆自居，鍾意在社交平台上炫富，山頂豪宅、靚車、Hermès包包樣樣有，不過一直以來她僅以「富商A」來稱呼男友。
「五索」揚言：小三比正宮更有錢
上星期，《東周刊》就獨家披露，原本住大埔街市唐樓的五索，於9年前在富豪飯局搭上百億富豪馬清鏗。事件令全城熱議，而自信過人的她就一於懶理，並揚言：「小三比正宮更有錢，有錢比結婚更重要！」引起大眾譁然。
跟着，五索在社交網表示會消失一段時間，面露難色兼一臉正經地說自己非常擔心：「因為佢嘅屋企元配並唔知道呢件事，咁我唔想牽涉到其他人嘅事。」片中，她又躺在床上說：「我𠵱家嘅心情已經差到落谷底。」她還指自己被拍到很醜，因為大部分的人見到她真人都讚漂亮，更鄭重宣布：「唔該所有傳媒唔好搵我接受訪問，我係唔會接受訪問，因為你哋嗰個係照妖鏡嚟嘅。第二，希望你哋唔好將焦點放落馬家身上，因為我先係焦
點⋯⋯」
爆出不少歪理金句
正所謂「姣婆守唔到寡」，講明會暫時消失社交媒體的五索，突然又發文說：「我哭了，凌晨終於睇完你們的inbox，不是因為軟弱了，是因為你們的訊息太令我感動，你們打好多千字文，很有愛！很感謝你們用心打了這麼的多字。」當大家以為她會跪低之際，原來她只是炫耀自己太多粉絲支持自己，感動到喊！
其後，五索接受《東周刊》的獨家專訪，期間繼續寸嘴本色，既直認是小三，又字字鏗鏘、句句精警，更爆出不少歪理金句，譬如：「我信窮人先至落地獄！窮人先會做更加多冇道德嘅事，我呢啲係真小人！唔係偽君子！」、「如果你同我講道德，我真係覺得你好蠢！」另外，五索自命樣靚身材正，9年前出席富豪飯局，第一次跟馬清鏗見面，就已經「真空上陣」，她自信的說：「我平時富豪飯局梗係低胸好多啦，唔通俾你哋啲平凡人睇咩，當晚成枱有錢佬都𥄫實我呀！」
延伸內容 : 林作裕美閨密「五索」大起底 真身係大生銀行主席馬清鏗小三
戰鬥力強 一晚10次
據悉，五索財源滾滾、住豪宅、掃包包，身家過億，主要原因是她好生得，而她亦毫無顧忌的說：「我一晚可以搞10次啦，生得越多，自然攞得越多。」、「你哋好好笑囉！話我攞得咁少，人哋買架車都幾十億啦！」另外，她又豪言男友所送贈的禮物多不勝數，簡直可以列一個表，提及所收的名錶，她又囂張地撥一撥頭髮說：「錶呢啲太少錢啦，千幾萬啦！你哋自己上網search吓啦，Patek Philippe啊！」這位富婆的生活確實離地到難以想像！
此外，五索又透露，閨房裏安裝了大量的隱蔽鏡頭，莫非是方便大玩情趣嘢？她囂張的說：「我屋企有咁多值錢嘢，又多工人，驚俾人偷嘢咋！」她坦承自己床上功夫了得，花式像電影《格雷的五十道色戒》裏面的所有情節，還表示戲中的情慾橋段，也是由她所教，確實令人O晒嘴！
豪宅曝光 數之不盡名牌袋
曾經聲稱自己只能住山頂的五索，分享了在豪宅做瑜伽的影片，片中所見屋內的樓底超高，空間感極大。她又表示平日除了有司機接送外，簡單煮一個公仔麵都要有3個工人姐姐幫手執手尾，以及每個星期跟男友出海，每個月更會外遊一至兩次；而有數之不盡名牌袋的她，就經常拍片不經意地展示名牌手袋陳列櫃，保守估計近千萬。
在金錢面前，五索表示自己姣擒別人老公完全沒有後悔：「我唔知我係小幾喎，我淨係知道我好多錢！」、「你哋呢一世都唔會有我咁樣嘅身家，即使我係賤人，但係我住山頂，你哋住喺秀茂坪，你咪繼續插我囉，你唔恨得咁多！我嘅富貴生活，係你想像唔到嘅！」而秀茂坪的居民對五索亦有回應，他們表示，自己在秀茂坪住得心安理得，有食有住，非常安樂，但笑指五索做小四或小五都不重要，這是個人選擇；另外，有街坊指五索不應該貶低別人來抬高自己，又指她做別人小三已經很差，還要說別人的不是。
《東周網》訪談系列節目《星桄伴我心》2025年1月重磅嘉賓：
劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
獨家質詢馬清鏗「小三」五索 “我係賤人，但我住山頂，你唔恨得咁多！”
