發佈時間：14:05 2025-01-18
姜濤、邱士縉（Stanley）和葛綽瑤（Yoyo）昨晚（17日）出席劇集《無用的謊言》Party Night，與大約500粉絲一同欣賞大結局。結果中姜濤和Yoyo會有咀戲，Yoyo直言是獻出螢幕初吻，問Yoyo會否心動時，姜濤即搶住回答：「心唔動會死。」而Stanley坦言唔捨得，有人提議他與姜濤拍Boys Love劇，姜濤即表示不介意與對方咀嘴，只欠Stanley意願，Stanley則表示只欠好劇本。
「大表姜」想拍BL劇
昨晚姜濤即席演唱主題曲，當司儀問大家說過甚麼謊言時，姜濤自爆中學時期喜歡一個女仔，被阿媽問及，他卻說沒有，但被同學篤爆，之後阿媽每天問，又想走去學校看看那個女仔。
姜濤和Yoyo在結局中會有咀戲，但是否會出街要看導演怎樣剪輯，Yoyo則承認已獻螢幕初吻給姜濤，問她有否心動時，姜濤即笑說：「心唔動會死。」Yoyo接着笑說：「我都未死，所以有心動。」而Stanley表示來到大結局很不捨得，見觀眾喜歡姜濤與Yoyo一齊，證明劇集成功，希望可拍第二輯。
有人提議姜濤與Stanley一齊拍BL劇，Stanley笑說若《無用的謊言2》變了BL劇實在太過扭轉；但向來很愛Stanley的姜濤，直言不介意與對方咀嘴，只欠Stanley意願，Stanley則表示只欠個好劇本。
姜濤指拍劇仲要改善
談到姜濤拍劇表現被讚，他反問：「有人讚？My God，多謝！我覺得仲有好多進步空間，拍攝時覺得冇乜嘢，但放喺螢幕先知道要兼顧好多方面。（講對白會否有改善？）要改善好多，不單只改善對白，Stanley話我搣唔甩姜濤，自己都覺得好多時冇辦法做到非常入血嘅角色，睇演出都覺得好似自己，會努力改善，無論唱歌、跳舞同演戲都係。」姜濤表示MIRROR向來有上演戲班，Stanley笑姜濤是在職訓練再實戰。姜濤續稱這劇多了點動作戲，覺得拍戲好好玩，但不敢說自己做得好好。
Yoyo稱脫單順其自然
另外，Stanley準備放假去旅行滑雪，姜濤卻未知可放幾多日假，Stanley則自爆早半年前已請假，笑姜濤太遲了。剛度過26歲生日的Yoyo，指生日與家人和朋友一齊慶祝，問她有否收到被指撞樣豬仔錢罌的禮物？她笑言沒有，亦不介意被這樣說，反而覺得很有趣。她又表示「脫單」順其自然，至於喜歡甚麼類型男士？姜濤笑說：「Stanley咁樣，我係男仔都鍾意Stanley喇。」
姜濤望姜糖神徒能互助
提到日前姜糖（姜濤粉絲）與神徒（Anson Lo粉絲）在活動上因霸位發生衝突而驚動警方，姜濤表示沒特別就事件與AL傾談，他說：「成團以嚟一直發生類似事件，我哋一直嘅態度都係希望大家開開心心出席活動，唔希望受任何唔好嘅事情影響，相信每個人都抱正面心態支持，希望以後大家能互相幫助。（有否因事件感到唔開心？）冇特別開唔開心，最緊要唔好受傷，其餘嘅事唔能夠理太多，只可以呼籲大家。（有人建議兩派粉絲唔好再同場？）我哋一直面對呢件事，亦相信各自粉絲會好識點去做，因大家都會成長。」
延伸內容：澳門SUPERSOUND FESTIVAL 13演出單位揭盅 姜濤Anson Lo成香港代表搶佔2席位
延伸內容：叱咤2024｜《2024年度叱咤樂壇流行榜頒獎典禮》MIRROR姜濤、Anson Lo勁歌熱舞打頭陣
延伸內容：MIRROR ERROR ROVER突擊快閃中學校園 獻唱新舊作品兼大玩遊戲 與700師生預祝聖誕
《東周網》獨家「質詢」馬清鏗「小三」五索，足本訪談內容已上線，快啲Bookmark《星桄伴我心》Page喇！
即睇 : 獨家質詢馬清鏗「小三」五索“我係賤人，但我住山頂，你唔恨得咁多！”
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
