發佈時間：18:59 2025-01-11
由容祖兒、阿Sa蔡卓妍和阿嬌鍾欣潼一齊主理的旅行綜藝節目《因為是朋友呀2》，來到第2站新加坡。她們一到埗隨即要抽籤決定這站的旅費，再到5個景點，有得玩又有得食。最慘是阿Sa在食榴槤一站中，因不愛吃榴槤，結果食到面容扭曲兼作嘔，最後要飲茶清除口中浸榴槤味，祖兒和阿嬌即笑到肚痛！
延伸內容：《因為是朋友呀2》最終章 容祖兒阿Sa阿嬌送驚喜搞喊Mani
抽籤決定旅費金額
3人到達新加坡便立即接到任務，以抽籤方式決定這1站的旅費，以帶大家遊覽當地景點和品嚐地道美食，而節目組更指定阿Sa擔任這一站的財務總監。被委任為「財爺」，阿Sa立即嘆氣說：「竟然揀一個數學最差嘅人做財務總監。」因她由小學三、四年級開始，數學就從來都未合格過。
出發到5個景點
抽完籤，容祖兒得到$9.9、阿Sa有$19.9、阿嬌則抽到「鳴謝惠顧」，即是冇錢。由於祖兒跟阿Sa加埋只得$29.8，於是3人懇求節目組讓阿嬌再抽一次，最後阿嬌竟抽到$2000，故兌換當地貨幣後總共有$463.8坡紙。獲得旅遊基金後，她們隨即跟着指示出發，依次序是氣球飛鏢畫、食榴槤、老巴剎熟食市場、坐Sidecar和坐遊輪。
雞手鴨腳開榴槤
食榴槤一站中，3人首先要學習如何開榴槤，雖然有點雞手鴨腳，但經過一番努力，最後都成功開到，跟着3人舒適地坐下歎榴槤放題，榴槤檔主遂端上不同品種的榴槤，分別有貓山王、黑珍珠、金鳳、S17和紅蝦。當她們一聽到其中一款叫「金鳳」，祖兒立即問道：「金鳳係邊個金鳳呀？我媽咪都係叫金鳳喎，我要食金鳳！」阿Sa笑說：「你食你媽咪呀？」她們再問初學者應該先食哪一款時，檔主表示「金鳳」。
阿Sa食榴槤即嘔
最慘是阿Sa原來是不愛吃榴槤的，她續說：「以前細個有啲嘢我係唔食，但大個後又覺得冇嘢，唔知𠵱家接唔接受到榴鏈呢？但可以試吓！」在祖兒的「鼓勵」下，阿Sa沒有選擇金鳳，並決定直接食貓山王。豈料阿Sa一口咬下去，立即面容扭曲兼作嘔，更隨即拿小桶吐出，並苦笑道：「真係唔得，嗰個味道真係超難食，原來我都仲係唔得。」祖兒見狀，竟再叫她試食另一款「金鳳」，阿Sa面有難色說：「再挑戰呀？」而最後阿Sa都豁出去，但咬了一小口後，再次現出痛苦的表情，並立即要飲茶清除口中浸榴槤味，祖兒和阿嬌見她個樣即笑到肚痛！
延伸內容：旅發局邀明星藝人暢玩香港 拍攝人氣節目推介香港魅力
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
