發佈時間：14:18 2025-01-11
劉德華20場跨年紅館演唱會《今天⋯is the Day劉德華巡迴演唱會2024》，昨晚舉行尾場，劉德華也絕不留力，唱爆兼跳爆紅館。期間他多次爆喊表現不捨，慶幸這次身體狀況良好，整個騷開得順暢又舒服，難得太太朱麗蒨和12歲女兒劉向蕙都有來捧場，他冧爆說是「愛」，女兒更每場畀意見給爸爸做得更好，滿足了！
延伸內容：劉德華紅館巡唱普天同慶 陶大宇台下興奮唱《倒轉地球》 大頭仔ANDY場外任Fans打卡
延伸內容：《焚城》何啟華魏浚笙拉大隊現身紅館撐劉德華 聖誕除夕新年四出謝票陪觀眾度佳節
延伸內容：劉德華闊別6年紅館開騷 梁詠琪同陳慧琳獻心 周麗淇好興奮
輪流爆喊顯不捨
華仔唱《練習》時已不見到有危險動作，見女Dancer淚留滿面時，也有為對方抹眼淚；唱到《心只有你時》，劉德華一度熱淚盈眶，更背着觀眾抺眼淚；直至唱完《你是我的女人》，見到和音、樂手全部落淚，華仔終於哭了，似乎十分不捨20場紅館騷。
呼籲參加歌迷會
去到尾段，華仔換上一Sharp醒橙色套裝、深情咁話冇諗過幾年冇開演唱會，所有Fans仍一如以往：「由第一場開始到今日，係你哋令到呢個演唱會愈嚟愈好！」又指如果有一天沒機會再開演唱會，鬼馬叫大家參加歌迷會！
邊唱邊派心飛吻
之後與全場觀眾大合唱《如果有一天》、《當我遇上你》、《仍唱我的歌》、《掌聲響起》和《真永遠》等，還邊唱邊派心心、飛吻兼大叫「我愛你」，冧爆全場！華仔繼續幽默笑稱，若Fans願意，80歲都會繼續拍偶像劇：「如果我有120歲，容許我同你哋一齊變老！」
眾多嘉賓齊捧場
另外，尾場嚟捧場的嘉賓眾多，包括：張繼聰、謝安琪、Gin Lee李幸倪、炎明熹、吳君如、陳可辛、余安安、盧海鵬、陳法蓉、邵美琪、錢家樂和陳祉妤等。文化體育及旅遊局局長羅淑佩亦有現身，她解釋因公事繁忙，所以尾場才能到場支持。
女兒每場畀意見
事後華仔接受訪問時，華仔沾沾自喜話這次開騷算是歷年以來開得最舒服、最順暢的。提及演唱會中發生不少小意外，例如他從窄台跣出去，華仔表示的確有令家人擔心，並明白到就算幾小心都可能會發生意外，所以已在動作上作出改動。華仔又指老婆和女兒連埋海外站撐足72場，是愛的表現，他更篤爆囡囡每場騷後都會畀Comment，好似笑他跳錯Step！
四大天王合體開騷
講到華仔在尾場忍唔住爆喊了幾次，他卻搞笑話喊得唔算勁，又坦言開騷初期壓力好大，每日都驚身體出現變數影響演出，但一完騷又發現自己原來可以繼續跳唱落去；更指每場騷都是結一次婚，20場加埋已有後宮不止3千了。有網民建議四大天王一齊在新場啟德體育園開騷，華仔直言：「我想吖，真係想，因為我哋始終係一個年代嘅表演， 如果可以一齊喺嗰度表演係一件盛事。」
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
