發佈時間：18:29 2025-01-04
七仙羽師傅與黃妍昨日（3日）拍攝HOY TV節目《開運秘笈2025》，節目主角黃妍已單身近6年，七師傅即提議黃妍要往南方，就有機會搵到另一半，因男朋友有助帶旺她的事業，她即透露鍾意有才華的「高大男」，最好有180cm高就Perfect了。
指點黃妍往南方搵男人
已單身約6年的黃妍表示，因屬猴關係，今年犯太歲，七師傅着她千萬不要遠行，更指點她要去南方搵另一半，因為她的命格是沒有男性就沒有事業，可惜黃妍的八字卻是很難有男人，所以建議她就算「求其」都要搵一個，因男人可有助催旺她的事業，七師傅說：「佢冇火，要去南方搵，例如印度、巴基斯坦、阿富汗同科威特嗰啲，（南區？）都得，就算重慶大廈都好多火。」
宜守不宜攻唔對路就縮
問黃妍是否接受不同膚色的男人做男朋友？她笑言冇所謂，但身高必定要有180cm，而且要有才華。七師傅則教黃妍在家中放鏡來照射着獎項，因為鏡的折射能令獎項翻一倍，提升運氣。
而黃妍透露即將推出新歌，今年的事業發展將有不同種類的工作發生，更希望年底可以完成所有計劃，但七師傅着她不要太着急，因今年她是宜守不宜攻的，當感到唔對路就一定要縮。
七師傅欲與湯文亮較量
另外，提到七師傅早前跟紀惠集團行政總裁湯文亮對賭一億，以猜測今年樓市及股市等的升跌，結果對方退縮之餘，還指七師傅是潑婦，七師傅卻稱一直當他是朋友，七師傅續稱：「佢當我潑婦，我唔嬲，我仲想約佢出嚟PK一次，不過佢驚啫，（佢唔敢同你賭？）就算唔賭都可以做朋友，我有好多禮物想送畀佢，其實我都諗過File我可以替佢食都得，我諗個File可以紅燒定清蒸，就算BBQ都得，我可以幫佢，我好大量㗎！」
湯文亮拒找數令網民失望
話說湯文亮早在去年3月在社交平台「豪言」：「如果美國在半年內實施《人權法》，我將個File吞落肚，沒有問題。」結果他的「豪言」被網民翻舊帳，紛紛留言要求他「找數」，但湯文亮其後在社交平台回應：「唔好話我輸，制裁並不關《人權法》，是因為《港區國安法》。」即令網民大感失望。
延伸內容：七仙羽醒你蛇年經濟樓市股市大預測 | 2025蛇年運程 | 東周蛇年開運指南
延伸內容：如何選擇旺手機號碼？｜七仙羽
延伸內容：撞樣︱跟荷里活女星劉玉玲撞樣 七仙羽師傅不排除是私生女 須見面驗DNA
《東周網》訪談系列節目《星桄伴我心》12月/1月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
即睇：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
即睇：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
