發佈時間：15:36 2025-01-03
由演員有蕭正楠(阿蕭)、吳若希、朱敏瀚、賴慰玲、鄧智堅、何遠東、唐嘉麟、黃瀅仴及張詩欣等演出的《奔跑吧！勇敢的女人們》，以搞笑為主打，前晚（1月1日）元旦播出的一集再度送上驚喜。
延伸內容 : 蕭正楠出席深圳活動搵奶粉錢 開心BB旺父母 盡量滿足太太黃翠如要求
延伸內容 : 黃翠如 蕭正楠造人成功 宣布有喜 晒超聲波照激動爆喊
延伸內容 : 朱慧敏有喜 !王君馨麥明詩黃翠如何依婷輪住做蛇媽 !
蕭正楠「神還原」昔日經典廣告「𠽌𠽌𠽌」
綜藝紅人丁仲堯（蕭正楠飾）因正印林采琳（吳若希飾）無預警殺回香港陣腳大亂，並多番冷落「舊情人小三」沈洛澄（賴慰玲飾）…為了氹回嬲豬的洛澄，丁丁出盡渾身解數，其中最驚人一招是在垃圾房中出奇不意地向洛澄大送甜品…最抵死的是，阿蕭從垃圾袋中拿出軟雪糕時，竟「神還原」昔日經典廣告動作「𠽌𠽌𠽌」，趣怪動作配以油膩聲線，再加上賴慰玲不領情將軟雪糕一嘢質落阿蕭塊臉後、阿蕭自責的一句： 「𠽌乜鬼呀𠽌」，令場口充滿喜感，勾起網民集體回憶的同時，還大讚阿蕭有氣度：「識自嘲，欣賞！」
阿蕭自己提出 想觀眾開心
到底場口是監製要求、還是阿蕭爆肚演出？對此阿蕭接受訪問時就透露是他自己的構思，並謂由頭到尾都只是希望觀眾看得開心：「我哋想成件事再荒謬啲，就諗住喺個垃圾袋度摷到好多甜品出嚟，當時我就諗畀雪糕佢時可以玩番個gag（𠽌𠽌𠽌），應該會幾好笑，其實我哋一心都係想觀眾睇完套劇會開心笑。事後都有好多Fans Cap番我呢個廣告出嚟畀我，勾起大家嘅回憶都係開心事嚟。」
難得阿蕭相隔逾20年再現經典，無綫官方社交網亦隆重其事，除了播出2003年相關廣告拍攝的探班花絮，還摷回阿蕭2009年在節目中親自回應為何會以這樣的方式拍攝廣告：「真係好多人笑我點解要拍呢個廣告，好多人話：『都唔知你做乜』，直頭畀人話我猥瑣。但喺我角度嚟講，公司收咗客錢，個客想做呢樣嘢，因為咁啱個西餅真係要𠽌住咁去食，所以就教大家𠽌𠽌𠽌咁去食件西餅，我自己睇完都覺得好好笑嘅。」
《東周網》訪談系列節目《星桄伴我心》12月重磅嘉賓：
肥媽攬屍唱情歌 憶亡夫飲泣 搵胡楓哭訴對話大公開
「黑妹」李麗霞2段婚姻3次患癌「我其實係一個軟弱女人！」
《異空感應》阮浩棕演技大爆發 罕談緋聞女友何沛珈 致電某人激動爆喊真情流露
敬請期待：劉江「講呢啲」｜ 結婚51周年，分享獨門退讓心得｜爆周潤發古惑招𠱁跑山
