更新時間：19:00 2024-12-23
發佈時間：19:00 2024-12-23
發佈時間：19:00 2024-12-23
參選2021年港姐入行的莫韻諰（Vincy），因在TVB台慶劇《黑色月光》中，與「渣男」馬志威跳了一場貼身辣身舞而備受注目，因其Fit爆身形，加上狂野性感，吸睛度爆燈！原來她是運動健將一名，排球、籃球都掂。日前她相約高鈞賢舊愛、同是港姐出身的好友吳玥玬，一起到中環行街街兼歎下午茶。只見二人食完意粉再食甜品，有傾有講，皆因莫韻諰愛拍片講飲講食，而吳玥玬正修讀法國藍帶廚藝課程，難怪咁夾啦！
延伸內容：《黑色月光》｜「美人計」埋渣男身 辣身舞女郎大起底 !
延伸內容：揭《黑色月光》「渣男」馬志威10年情玩完 愁爆出巡疑未走出失戀陰霾
延伸內容：黑色月光丨馬志威做「渣男」做到爆紅 出道前竟然係......
辣身舞性感吸睛
莫韻諰在《黑色月光》中，與馬志威的一場辣身舞，固然吸睛，早前的TVB台慶她更有份與謝雪心、鍾翠詩和顏志恒一齊爭奪最後的43萬大獎。雖然最後都落空，但她表示有份參加都算幸運。
開心自拍留念
當日見兩人先中環碼頭閒逛，期間見到維港海景咁靚，即拿出手機開心自拍留念。跟着她們走進附近一間Cafe歎下午茶，全程有講有笑講唔停。而外形纖瘦的莫韻諰，是一名沙灘排球健將，經常出戰國際賽事，還懂得打籃球，早前與劉穎鏇等人一齊參加學界籃球邀請賽而獲得金牌。因運動量高，她的食量也很驚人。見她吃完大碟意粉不夠喉，再加甜品和一球雪糕，完全唔怕肥，仲食得相當滿足！
講飲講食啱Key
由於莫韻諰拍劇之餘，又愛拍片講飲講食，所以縱使她與吳玥玬屬不同屆的港姐，卻出奇地老友。事後莫韻諰向東姑表示︰「係呀！我哋有次喺活動上認識，大家又有啲共同朋友，所以一見如故。」而吳玥玬則說︰「我哋都鍾意食嘢，都有諗吓一齊做啲Foodie拍片。」的而且確，吳玥玬讀法國藍帶廚藝課程學整甜品，喜愛下廚，而莫韻諰又鍾意食嘢，所以先咁Friend啫！
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
敬請期待：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
最Hit
