發佈時間：15:39 2024-12-23
英語微短網劇《選美兄弟班》（RAGS 2 RICHMOND）播出兩個星期以來，反應熱烈，截止12月21日，劇集的總觀看次數已衝破350萬！製作人、男主角兼主題曲《Low Key》唱作人王梓軒，同樣受到高度關注，日前（12月21日）王梓軒更受到韓國MBC電視台的殿堂級音樂直播節目《Show！Music Core》邀請，在節目上首次獻唱劇集主題曲《Low Key》，成為首個演出該節目的香港個人歌手，全開咪式的唱跳表演，令王梓軒的唱功與舞技獲網民及樂迷激讚，也令梓軒表示很感恩。
延伸內容 : 薛家燕首演英語迷你網劇《選美兄弟班》王梓軒度身訂做雙面人角色
延伸內容 : 王梓軒首任監製 改編暢銷本地小說《網內人》打響頭炮
延伸內容 : 撇甩緋聞女友珊珊 王梓軒馬交鬆一鬆
王梓軒垂直拍攝係新挑戰
《選美兄弟班》於香港時間12月22日上架，對於劇集成績斐然，王梓軒說：「劇集嘅反應比我想像中好，真係好鼓舞，亦都好多謝大家肯接受呢個新嘗試。我哋會繼續做多啲宣傳，希望可以讓更多人欣賞到《選美兄弟班》呢個勵志故事。今次呢個垂直拍攝嘅格式，對我哋嚟講都係新挑戰，而且決定唔係喺傳統串流平台播放，而通過各大社交平台免費播出，托賴得到大家嘅支持。」
王梓軒透露未來會製作更多同類網劇，但暫時仍會以英語為主：「中文嘅微短劇已經發展得好成熟，同埋我同珊珊（石祐珊）嘅製作公司Octagon都想專注做一啲跨國嘅合作，所以暫時都會以英語為主。其實當初我哋都唔知道可唔可以，將微短劇同中西方文化混合埋一齊。微短劇嘅好處係可以容易啲收集數據，而今次嘅成績係一支強心針，未來我哋都會繼續做更多唔同主題嘅內容。」
自家製微短劇創下佳績
王梓軒表示網劇收到的反應很直接：「我覺得好有效率，好容易睇到觀眾有冇共鳴，我哋亦都可以即時作出調整，甚至加啲新嘢落去，成件事都好即時。今次同外國嘅演藝圈朋友傾開，佢哋會覺得咁樣好辛苦，因為我哋拍攝嘅時間，基本上就好似以前拍『七日鮮』咁，一個禮拜拍超過60分鐘內容。好彩我哋喺香港訓練有素，都習慣呢個節奏。由一個小小嘅概念可以上到咁大嘅舞台，我哋整個團隊都付出咗好多，又要喺好短時間內調整，真係好多謝佢哋。」
首個自家製微短劇創下佳績，令王梓軒最感動的是劇集受到世界各地媒體的關注：「其實套劇未播晒嘅時候，我地收到有日本、馬來西亞電視台有興趣取得播放權，我地都好開心，之後收到MBC電視台邀請我上佢哋嘅音樂節目《Show！Music Core》演出劇中嘅主題曲《Low Key》，成為全球首演舞台，我覺得成件事都好夢幻，我非常感恩。」王梓軒更是首位出演該節目的香港solo歌手，很多韓國著名組合，如：少女時代、BTS、BLACKPINK、鄭容和亦曾經是節目的座上客。在當日的節目中，人氣女團 Red Velvet 的隊長 IRENE 與 YG公司的男團 TREASURE 亦演唱了他們的新歌，可以說是星光熠熠！
首次到韓國表演 感恩有這機會
王梓軒透露此次的準備時間只有短短十天，他說：「由確定此次嘅演出，到站上舞台，只有短短十日。我自己未試過喺韓國表演，所以一邊做個劇集嘅後期一邊練歌，好多謝MBC有呢個胸襟去支持一啲英文歌，仲要係一個未上過佢哋個台嘅歌手，真係好感恩有一個咁嘅機會，所以都唔理有幾多時間，用盡全力做咗先！」
這次的節目順利完成，有賴不同合作方的共同努力，當中有一位伴舞更是韓國人氣男團 ZEROBASEONE 成員 Matthew 的親姐姐Yaeby，王梓軒表示：「雖然準備嘅時間唔多，但係一收到演出提案，我哋就搵咗一位曾經幫美國喜劇電影《JOY RIDE》擔任編舞的加拿大編舞師 Joe Tuliao 幫手設計成個表演，喺溫哥華排完舞之後，就馬不停蹄搵韓國嘅舞者練習，其實一開始都唔知 Yaeby 係 Matthew 嘅親姐姐，佢係編舞師 Joe 嘅朋友，因為佢喺加拿大長大啲英文好好，所以合作起上嚟好smooth、好愉快，佢人又好好、好專業，當然佢都跳得好好啦！仲有各位韓國嘅化妝師、髮型師、促成呢次合作嘅朋友，真係好多謝大家嘅幫忙！」他的演出旋即引起網民及樂迷注目，大讚他唱得又跳得。
為了製作劇集，王梓軒已有數月未回港，他興奮表示聖誕節終於可以返屋企：「真係好掛住屋企人啦，所以會返嚟幾日。不過，1月1我已經要去美國，因為有啲新嘅電影Project喺嗰邊做緊，到時應該會寫好晒個劇本，之後就要為個劇寫歌。年尾唞一唞，年頭再作戰！」
《東周網》訪談系列節目《星桄伴我心》12月重磅嘉賓：
肥媽攬屍唱情歌 憶亡夫飲泣 搵胡楓哭訴對話大公開
「黑妹」李麗霞2段婚姻3次患癌「我其實係一個軟弱女人！」
敬請期待：《異空感應》阮浩棕演技大爆發 罕談緋聞女友何沛珈 致電某人激動爆喊真情流露
