發佈時間：22:30 2024-12-19
《2024年度叱咤樂壇流行榜頒獎典禮》將於2025年1月1日在亞博舉行。為配合今年主題「我在 狂歌亂舞」，叱咤903 DJ聯同一眾歌手走訪不同中學，進行一連5場的校園巡演。日前DJ Oscar與洪嘉豪到訪屯門天主教中學，進行第4場「我在校園狂歌亂舞」，兩人跟同學分享「狂歌亂舞」的難忘經歷，之後有男同學獲邀上台合唱，他即時應承，並放膽去唱；另有中六女生毫不怯場地在洪嘉豪面前唱出他的《主角光環》。洪嘉豪覺得個男同學好玩得，亦大讚女生能在700幾人面前唱歌，表現出色，令他非常感動！
延伸內容：魏浚笙、陳蕾、洪嘉豪合體開騷 齊齊chok爆投入拍攝
延伸內容：叱咤樂壇流行榜頒獎典禮2024︱明年1月1日頒發49獎項 記者會近100位歌手出席 齊選出狂人代表
延伸內容：Gin Lee與6大學院校表演團體 進行終極大匯演 讓每位學生發光發亮
邀請男同學上台合唱
兩人到達學校後，先與同學們打招呼，以及分享他們「狂歌亂舞」的難忘經歷。其後Oscar隨即問台下同學有沒有「狂歌亂舞」的經驗，有位男同學主動話喜歡跟朋友一齊狂歌亂舞，洪嘉豪問他聽過他的歌《黑玻璃》嗎？男同學一話聽過，洪嘉豪即主動邀請他上台合唱，男同學最初回應：「我放學唱畀你聽。」洪嘉豪直言：「唔使吖，你直接上嚟唱喇。」男生隨即上台，十分有膽色！全校逾700位同學更一齊營造燈海，掀起全場熾熱氣氛。此外，中六女生亦揀選唱出洪嘉豪的《主角光環》，她在原唱者面前表演，毫不怯場，台型十足！
男生上台合唱好好玩
屬屯門之友的洪嘉豪，指今次校園巡演特別有意義，他說：「大家都知我喺屯門長大，我以前都有好多朋友讀呢間學校，真係好有感覺，好多回憶都返晒嚟！」洪嘉豪亦很享受今次的演出：「今日即興邀請男同學上台一齊唱《黑玻璃》，我覺得咁樣一齊唱好好玩，好過淨係得我一個人喺台上唱歌，咁先真係做到喺校園『狂歌亂舞』！」
中六女生獨唱好感動
對於女同學選唱了《主角光環》，Oscar笑言：「好犀利，好淡定吖，如果生個女好似你咁就好啦！」而洪嘉豪亦大讚她表現出色：「佢有小小怕醜，但係可以喺全校700幾人面前唱歌，真係好叻，因為佢喺呢個年紀已經做到我細個時做唔到嘅嘢，所以佢嘅表演真係令我好感動，我好想畀多啲鼓勵佢。」
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開
即睇：「黑妹」李麗霞2段婚姻3次患癌「我其實係一個軟弱女人！」
