發佈時間：21:00 2024-12-17
憑TVB劇集《黑色月光》角逐《萬千星輝頒獎典禮2024》「視后」的林夏薇，前日（15日）在尖沙咀開設她籌備5年、投資達8位數字的自家鑽石品牌實體店。當日她獲多位圈中好友包括視后視帝級人馬送花籃和親自到場支持，當中最搶鏡必是堂哥林峯罕有帶同太太張馨月親身到賀。林夏薇除了宣布與不同地區品牌加盟商簽約合作的喜訊外，亦向在場每位嘉賓送上半卡鑽石作回禮，這位老闆娘真豪氣！
延伸內容：林夏薇《黑色月光》奸角爆紅 打開Rosina Lam主席手記
延伸內容：黑色月光︱ 林夏薇奸到出汁「凶」楊茜堯爆喊 結局篇好戲在後頭
延伸內容：黑色月光丨林夏薇王浩信激烈床戲 濕吻狂咀 火辣場面逐格睇
獲視后視帝支持
林夏薇自家鑽石品牌實體店開幕，先獲「視后」佘詩曼、楊茜堯和胡定欣送上花籃祝賀，再得到陳展鵬、譚俊彥和陳山聰這3位「視帝」攜眷或帶同小朋友現身支持。另外，一班圈中好友如方力申、馬志威、趙希洛、黃子恆、招浩明、洪永城及太太梁諾妍等亦有出席。於澳門舉行的頒獎禮、首封影帝的林峯，則罕有帶同太太張馨月親身到賀堂妹，場面真是星光熠熠！
沾堂哥林峯旺氣
林夏薇坦言有家人和朋友到現場撐她，她真的很感動，她續說：「馬志威係由外地專程改機票飛返嚟，阿哥林峯同阿嫂都係特登過嚟，我已經恭喜咗佢攞影帝，仲要攬多啲佢沾佢啲旺氣。」問有林峯前來加持，對台慶頒獎禮再奪視后會否信心大增？她笑言：「我本身冇諗咁多，當然希望攬完佢可以畀到信心我，其實咁多人撐我，先奪『人緣獎』喇！」
半卡鑽石作回禮
林夏薇表示會為幾位好友投票作回饋，亦會向每位嘉賓送上半卡鑽石作回禮，她說：「一定要嘅，佢哋咁撐我，鑽石代表永恆同愛，我都好愛佢哋。」同時林夏薇亦開心宣布新店已與不同品牌及不同地區加盟商簽約合作，但她未有考慮再開分店，她解釋：「前一晚緊張到冇瞓過，可見籌備一個品牌絕對唔容易！」
老公在現場打點
現場所見，林夏薇老公莫贊生亦有幫手在新店打點，她表示今次是自己投資，老公的包容和心靈及精神上的支持很重要，她說：「好多謝老公，佢同我除咗係夫妻，亦係生意上嘅拍檔，教咗我好多嘢。」她強調暫時在工作上分配得幾好，不會因為做生意而影響到演藝工作，但暫時沒有時間生小朋友，她續稱：「其實已經順利生咗個品牌出嚟，絕對係我超級珍貴嘅Baby，生BB就順其自然吧，逐樣逐樣嚟，邊忙到咁多嘢吖！」
《東周網》訪談系列節目《星桄伴我心》12月重磅嘉賓：
即睇：肥媽攬屍唱情歌 憶亡夫飲泣 搵胡楓哭訴對話大公開｜星桄伴我心
即睇：「黑妹」李麗霞2段婚姻3次患癌「我其實係一個軟弱女人！」｜星桄伴我心
