發佈時間：19:29 2024-11-28
TVB歌唱選秀節目《中年好聲音3》，目前進行得如火如荼，由香港賽區、大灣區和新馬區誕生的60強選手，正激烈爭奪入圍資格。選手固然唱得，不過今年新加入的「高音女神」海兒做評審，其甜美笑容和Fit爆火辣身材，不時成為焦點和熱話。日前她接受YouTube頻道「豐陳三俠」的訪問時，被大爆一日只食一餐，她解釋因要上鏡，所以食少啲可以再瘦啲，23吋腰原來得來不易。與她同樣咁瘦的胞姊，有時都係一日食一餐，不怪得兩姊妹都咁Fit！
延伸內容：中年好聲音3｜音樂女神海兒竟然咁冧呢位參賽者 仲主動「示愛」
延伸內容：《中3》評審︱ 海兒為母校表演籌款 高歌一曲震撼人心 有小粉絲因她而讀唱歌
延伸內容：《中3》索女評審 陳海兒絕密艷照大搜刮
高音女神成新寵
《中年好聲音3》的評審陣容，除了有固定班底如肥媽、周國豐、張佳添和伍仲衡外，曾邀請不少新力軍助陣。在比賽初期，找來曾在海選中做評判的「高音女神」海兒擔任評審，結果27歲的海兒，憑甜美的外貌，再加上23吋小蠻腰和豐滿上圍，火速受到關注，更成為網民新寵。
做評審收視全升
海兒日前接受YouTube頻道「豐陳三俠」周國豐、陳淑蘭和陳淽菁（前名陳芷菁）的訪問時，主持之一的周國豐表示當日海兒為《中年3》做了4集評審後，結果收視全線上升，海兒即笑說：「其實我係好緊張，不過係一個好好嘅學習機會，可以喺唔同嘅觀點同角度去認識流行音樂。而我唔會當自己係老師，反而偏向交流多啲，始終呢方面好主觀，大家追求嘅嘢都唔同。」
一日只食一餐
在節目中，陳淑蘭大爆海兒原來一日只食一餐，搞到周國豐和陳淽菁都一臉愕然，並感莫名奇妙，海兒坦言：「我喺英國返嚟就一日食一餐，我媽咪都係一樣，爹哋同家姐間唔中都係咁。通常朝早起身會飲水或者齋啡，如果嗰日覺得需要多啲能量，就會飲一杯蜜糖水。」海兒解釋：「我主要係希望可以瘦啲，始終要上鏡，所以盡量食得健康少少。其實我最初係冇咁注重營養，但𠵱家係均衡咗，如果約咗朋友食飯，一日都會食兩餐。」
23吋腰得來不易
3個主持人聽完都覺得Keep Fit好辛苦，陳淑蘭更笑說：「咁我唔妒忌妳有23吋腰喇。」海兒續說：「喺英國最肥試過130幾磅，𠵱家係人生最瘦嘅112磅。」並坦言現在還會專心學化妝，她稱：「得閒試吓點樣化先令自己上鏡係最靚，全部妝都係自己化。」原來海兒胞姊的顏值和身形，同樣吸睛和高企，與妹妹海兒絕對是平分春色；而且她的姐姐今年成為人妻，海兒也為她開心慶祝。
《東周網》訪談系列節目《星桄伴我心》11月重磅嘉賓：
即睇：黎諾懿夫婦互爆閨房樂事 慶結婚10周年 | 星桄伴我心
即睇：林保怡失落《金雞獎》影帝 送花冧李珊珊 激罕親揭秘密關係 | 星桄伴我心
即睇：星桄伴我心 | 周吉佩牀前唱歌送別：「爸爸聽到眼角滴淚，先至斷氣！」
