發佈時間：15:00 2024-11-23
由蔡卓妍（阿Sa）和鍾欣潼（阿嬌）組成的Twins，最近忙於Twins Spirit北美的巡演。適逢溫哥華站遇上阿Sa的生日，她由香港機場出發已開始收蛋糕，即使到了當地和多倫多，歌迷仍不停送上蛋糕和生日禮物。拍檔阿嬌更在演唱會現場與全場歌迷一齊唱生日歌賀阿Sa，最搞笑是工作團隊到日本餐廳為阿Sa慶生時，有大隻男服務員熱情跳舞助慶，又叫阿Sa拍他Pat Pat和摸胸，嚇到阿Sa狂笑不止，場面熱鬧又爆笑！
延伸內容：Twins演唱會︱ Twins破巡唱紀錄開足27場 最後一站不捨粉絲狂喊
珍惜巡演見不同歌迷
今次巡演，Twins表示非常珍貴，她們異口同聲說：「因為真係唔知幾時再做咁長時間巡演喇，成個Tour共6場差唔到走20多日，唱完多倫多，之後仲要去大西洋報、拉斯維加斯、雷諾，再去英國倫敦。年紀愈大愈覺得張學友同劉德華好勁，60幾歲仲唱成百場，我哋兩個60幾歲時都唔知會點啦！歌迷都或者揍孫，唔得閒理我哋喇，所以好期待今次每一站見到唔同地方嘅歌迷，會好珍惜每一刻相聚。」
未習慣三面台多蝦碌
Twins Spirit演唱會一直以來都是四面台，到溫哥華開始變身三面台，阿Sa和阿嬌都未完全習慣，所以經常有很多蝦碌發生，例如走錯位、行錯方向等等，非常搞笑！溫哥華站兩人更特地落台跟觀眾握手，即引起全場瘋狂，群情洶湧；阿嬌準備返回舞台時，行經Panel附近就因太多觀眾而無法前進，她爽性上Panel坐一陣，她突然叫大家一齊唱生日歌為阿Sa慶生，在台上的阿Sa笑言：「點解你喺嗰度唱嘅？哈哈！」阿嬌即回答：「好少可以喺人群之中咁嘅狀態，好特別呀！大家一齊唱生日歌畀阿Sa聽啦！祝你生日快樂！」
握手群情洶湧冇有怕
對於握手群情洶湧，阿Sa冇有怕說：「之後仲有大西洋城、拉斯維加斯同英國倫敦，唔怕啦！其實我係一個幾鐘意同觀眾握手嘅人，哈哈！因為每一個近距離握手嘅觀眾，都係四萬咁口望住你，都好開心㗎！好似大家互相交換開心能量咁，好正！」
飲到老豆湯水好窩心
阿嬌續說：「好耐無嚟加拿大，見到啲朋友仔好開心，仲飲到老豆屋企煲嘅湯水，好暖心！觀眾反應都超乎自己預期喇，咁耐無嚟大家都咁熱烈，真係好開心！因為舞台有變化，所以要記好多新嘅位置，第一場仲有Jet Lag（時差），個人未係好Warm Up，希望之後幾場越來越好！」
大隻男服務員好熱情
Twins來到多倫多尼瓜拉瓜大瀑布時，剛好是22號，即阿Sa的正日生日，工作團隊一齊到日本餐廳為她慶祝。阿Sa今年踏入42歲，工作人員把插在蛋糕上的數字蠟燭改為「24」，但阿Sa卻將蠟燭調番轉，還笑說：「你睇下我個人幾誠實，哈哈！人係會長大，假如今日我停留喺24歲，大家就再見唔到我啦！我極度開心自己一年大一歲，証明我健健康康快快樂樂咁活着，好好享受生命每一刻。」日本餐廳的大隻男服務員很熱情，主動為阿Sa跳舞慶生，還叫阿Sa拍他Pat Pat和摸他的胸，嚇到阿Sa狂笑不止，場面爆笑！
阿Sa收到晒生日祝福
壽星女阿Sa更稱：「由香港機場到𠵱家，已經吹咗7個生日蛋糕，有啲係歌迷親手整，有啲係朋友送。今年生日好特別，因為時差關係，有兩日呀！感恩自己今年做咗好多嘢，雖然好忙，但係好充實吖，希望嚟緊呢一年，身體健康，繼續有無窮無盡嘅精力，工作之餘，仲可以去多啲旅行。Work hard, play hard！多謝大家嘅生日祝福，我收到晒！」
《東周網》訪談系列節目《星桄伴我心》11月重磅嘉賓：
即睇：黎諾懿夫婦互爆閨房樂事 慶結婚10周年 | 星桄伴我心
即睇：林保怡失落《金雞獎》影帝 送花冧李珊珊 激罕親揭秘密關係 | 星桄伴我心
即睇：星桄伴我心 | 周吉佩牀前唱歌送別：「爸爸聽到眼角滴淚，先至斷氣！」
